老婆 又到十月一日了 很快你已經離開了一個年頭 你好嗎? 你現在生活得好嗎? 適應了沒有我在你身邊的日子嗎? 我很好 唔使擔心我

其實有很多說話想同你講 以前每天也會和你傾計 番工放工搭地鐵總會有很多時間傾計 也會用whatsapp  而家每一天也想找方法去同你傾計 想找個方法可以和你更接近 但總是找不到 記得出事後我去醫院探Cham記 我同佢講我話我有好多野想同你講 佢就指一指個天話"佢聽到架" 唔知你係咪真係聽到呢 呢一年 我每日都好掛住你 好想將每一日既所見所聞都同你分享 我無方法可以知道你係咪會知道 我只好係心裡面一直同你講同你分享

我而家仲有睇緊心理學家 當傾下計 反而佢係最知道清楚我既野既人 好多想法我都無同人講 Cham記都好忙 都好少搵佢傾 佢同芝而家有左bb 有時都唔想提起令佢地唔開心 好多野我都只你放係心 不過我覺得我handle到的

好多時我都睇番我地d相 每一輯都好有印象 好記得影相時既情境 好似好近咁 特別係北海道既相 果時好開心 雖然中途有d argue 但原來一直我都好enjoy同你一齊既時間 我記得你講過人地對你好唔係必然 要珍惜 我會記住的

而家成日覺得記憶係好珍貴 因為而家真係只可以係記憶中找你 係果度可以見到你開心既樣 聽到你既笑聲 見到你望住我個樣 很掛念

意外之後覺得生命好寶貴 又好脆弱 無論人能力有幾大有幾叻都好 都無法捉得住生命 無法令生命延長 好像你要離開時 我根本無法去捉得住你 無法阻止它發生 有時想到呢度都好唏噓 一年前既今日 我永遠都唔會忘記

同你我唔想講大話 唔想呃你話件事我已經想通了完全接受了 情緒我波動 回憶起意外場面 送別你的情景 時常係我腦海中出現 確實令我很難過 我相信你都一樣

但我不會被這意外影響我生活太多 現在我都過著正常既生活 番工放工 工作都算順利 可以handle到 仲有一段新我感情 我會慢慢去克服 我知道你一定會支持我 我都會支持你 只要我地心靈上有連繫有相通 其實我地就可以好似以前咁 默默支持對方

你永遠會係我心靈上 陪著我生活下去 亦希望我對你既愛 會令你無論係邊永遠都會有被寵愛既感覺