早排娛樂圈發生一件事成為全城話題，李嘉欣生日，富商L君係報紙買左全版廣告祝賀．其實個日我都有留意個廣告”Happy Birthday to Michelle 20.06.2006,” with love ”The One”，當時仲諗邊個係Michelle 同The One呢？個The One花咁多錢去買廣告，我以為有人想求婚．之後先原來Michelle係李嘉欣，The One係富商L君！件事係好浪漫既事，我相信每個女仔會心動，不過我一向唔鐘意李嘉欣呢個人，佢外表係好靚，不過我唔鐘意佢高調好勝，持靚行兇既性格．我覺得外表同性格同樣重要．如果外表好靚但性格唔好，最多都係５０分！不過呢件事上我好欣賞富商L君，佢好有風度．事後有人訪問佢，佢過話因為個日子好特別，只有一次係２００６年６月２０日，佢只係希望祝賀佢好朋友，即使分左手佢都希望佢開心幸福．一個有錢人，花錢對於佢來講係小事，不過分開左咁耐仲咁有情有義，咁有心去記一個舊情人生日，唔係個個都會咁，我覺得佢係有真心鍾意過佢．有時諗．．．外表平凡既人大部份都搵到真愛／結婚，相反愈靚既人先愈難搵到真愛．我相信．．外表靚既人一係就好似李嘉欣個種唔怕冇人要既心態．一係就係因為好多人係因為佢地外表靚先鐘意佢，唔係真心的．所以愈靚既人要搵到真愛，搵一個真心真意鐘意佢係既人其實比普通人更難．呢個就係靚人既不幸喇．．．哈哈！（好彩我唔係靚人，不過點解我又冇真愛呢．．我要自我檢討一下先^_^..)