我一直都好鐘意收信既感覺．．．我覺得睇信係好窩心，好浪漫既事！我個人有時好老套，雖然依家已經係網絡世界既年代，不過我覺得．．email永遠唔及信．．寫信既人親手寫信，即使字唔靚，但我覺得比起打出來的更好，字裡行間充滿寫信人既心意同氣味，由寫信，寫信封，封信，甚至寄信，都係心意同時間，一想到咁就覺得好warm！有時工作後回家，又或者係失意／好想放棄既時候，收到我助養兒子既信，我都會好感動，唔開心既事都忘記了，因為我覺得世上仍然有人需要我，想念我，咁多年，信已經有好多，我用個盒入起．．．一大疊漸漸變黃既信，見證了歲月，我想我會留到老．．因為係別人用心，經過長時間比我既野，我會好好珍藏．記得睇過電影”假如愛有天意”，女主角既母親將年輕時代既情書珍藏，最後佢女兒發現，更加了解左媽媽既故事，好浪漫！雖然我冇收過情信，冇遇過咁浪漫既事，不過我對信既情意結係不變的．