早排睇左標題呢套戲，我覺得幾好睇呀．．．我唔係Alex 同Stephy既fans...不過我覺得佢地都做得幾好，而且個故事幾真實，唔會講到好童話咁．始終現實生活唔係只有美好的事．故事最後男女主角一齊番，不過雙方都有秘密既情人，只係大家學"精"了，懂得去識掩飾．．故事中吳佩慈幾條問題，我都好認同佢既講法．佢問方力申：點解你咁早結婚？方力申就答：因為我好鐘意佢（Stephy),好想同佢永遠一齊，之後吳佩慈就答：會鐘意幾耐？戀愛係有限期的．．．我好同意，戀愛係有限期，愛情既感覺唔可以永遠維持，之後會變，有些會變為另一種感情繼續，有些真係淡左就會分手．．．可能我個人比較灰／現實，我唔相信有不變感情．．．或者咁講，我唔係唔相信世上有真愛，只係我唔相信自己會咁幸運可以擁有一份不變既感情／遇到一個咁好既人．我相信方力申同Stephy係戲中既復合告白中講既野係真心，起碼個一刻係真心，只係將來既事冇人可以預計．．我覺得只要一齊既時候係真心，對段感情係認真，都已經無憾．．．將來既事冇人會知，你點知之後既日子唔會遇到另一個更愛更適合既人？未到死個日，都唔會知邊個先係你一生既最愛．永遠呢兩個字太沈重了．人生畢竟有好多變數．