20/1/2008
今日要去打聯賽~~但係下晝先打
訓到十二點幾先起身~~爽呀~~好耐無試過喇
起身去食個飯先~~再返屋企~~
睇金三順....其實我租左刺青...想睇刺青多d
四點出門口~去到彩虹道有d肚餓
食左一碗碗仔翅,一串燒賣同一串魚蛋~~
食完先斯斯然咁去換衫~~換完衫都係去左跑三個圈
我發覺我係跑完步個人先會醒.....=_=
之後就打比賽喇
開段我地都係lead住咁打...神奇呀~~對南華wor
你以為係邊隊呀~~我地竟然係lead住
不過可惜後勁不繼......上半場已經俾佢地lead開左七球.....
今場波我自己既表現一般....除左上半場入左兩球靚波之外
不過大家今場波既表現都不俗~~~防守好左
但可惜都係漏左幾球center.....
進攻完回防都多左人跑.....但黃sir講得岩~~
多左人跑...但唔夠人多...人地一team跑去攻我地
我地得四個人跑,都係有兩個無人睇=_=想點~~ha
不過發覺自己體能差左....跑多幾轉都氣喘....
雖然都仲打得哂全場....但係以前係氣都唔會喘一下....
打完比賽~~踢左陣波~~但係已經足夠令我地出汗....haha
但係好玩呀~~^o^
出mk食沙嗲王~~好耐無同佢地去食喇~~~
食左超多野~~~繼續爛gag~~haha
食完返屋企~~好眼訓呀......
聽日要操自己體能呀~~俾心機~~