10/12/2006
九點半起身~~同薛薛去左街市買花俾小花
坐van仔入中大...差d唔知佢兜左去邊@o@
入到去同薛薛無奈地行左上去新亞...果個乜鬼天人合一池
遠到痴線....=_=
估唔到原來潘生都有買花~~所以小花就拎左兩個bb
哈哈~~可惜兩個bb都賴尿....麻鬼煩~~
今次無去玩d雕塑lu~~不過同左孔子像影相...
唔知邊個玩野...影唔到孔生個頭=_=
又係中大周圍遊~~同上年一樣~又係”門”前扮”門”~ha
再係百萬大道跳跳跳~~今次有新的動作~~^o^
影完去左沙田食飯~~新城市的裝飾唔錯bor~~
食完飯係沙田行左陣街~~再出旺角行~~~睇錶
係d有名的舖頭同新之城無名的舖頭d價錢差左成節....@o@
好想買g shock既黑鋼~~但又想買pro track bor...點好呢??
係油麻地快速食個dinner就去灣仔返工喇
今晚係點票日終於...但唔知我地無train過無brief過既人可以做得d乜...
原來係幫手點名...同d公務員...佢地就好啦~~做十幾個鐘就有二千幾蚊
不過真係通宵有價....
今晚見到winnier同howard...死...第一次見到howard唔認得佢tim
唔知佢會唔會覺得我無禮貌呢???
winnie仍然係好笑容~~^^真係好鬼鍾意佢~~
好鬼辛苦呀...點完名...我,judy同philis坐係貨lift門口
唔俾d唔係agent既人入去...但原來係無人入去嫁=_=
d票箱十二點幾先入第一個,仲要係荃灣果個第一個到@o@
咩事??點解港島既會仲耐??
去到四點先運哂d票箱入黎??點解會咁late??
仲話希望四點有第一個界別既result??咪傻啦~~
最後係七點幾先有第一個界別(港九)公佈....大家都心知不妙啦
有勁爆多既問題票...真係好想知d人係咪唔睇野...定係唔識字
定係政府之前宣傳個tick宣傳得勁得滯??
好多人都係度打tick=_=想點呀??
因為爆多既問題票令到點票工作遲緩....想死...
去到十二點幾先公佈the last subsector....中醫...
見到winnie同howard都十二點先走人.....
我發覺我地辛苦時...d RO同ARO仲辛苦..
因為係點完哂票之後...好多都係等排隊公佈...
佢地office明明仲有好多野做....但點知要坐係度等咁耐時間..
仲要係overnight non-stop咁做野...真係好佩服佢地
佢地俾唔到我見佢有丁點先的疲態~~好野呀~
果然係做到野既人...果然係捱得既人
收咁高人工都係應該既~~^o^
見到批發及零售既result~~無記錯既應該係果十二個人既ticket win哂~
恭喜哂啦~~十二點半先放工....係中午十二點半....=_=
連續開工開左十七個鐘.....想死.....