28/1/2006
今日訓到十一點幾起身~
同左阿媽去食lunch~~之後佢陪我去買條銀鍊~~
因為阿爸買左粒石俾我,要帶住wor~~
我買完鍊,就到我陪阿媽買野
行左吉之島,又行左千色店,想死~~haha
去左食糖水當tea~~d人又話唔肚餓
點知一返到屋企又話餓到暈.....
六點幾落街搵飯食~~點知d油樓ok爆~~俾人book哂台=_=
luckily係北京樓有人遲左無黎~~我地坐左:p
好好味既"清炒水晶蝦仁"
好有小時候食過既"雲吞雞"
[細個既時候唯一一次食到嘔就係類似既湯~~
記得果次係同阿媽去飲茶~~食飽飽再去別人家~~
飲左個好好味既湯~~因為好好味~~飽都要再食~~
點知就出事喇.......嘔死左=_=]
今晚晚餐十個good俾九個佢啦~~haha
食完就返屋企等電話~~^^
十一點同ada去左千色店行~~都ok多人wor~~
佢買左罐花返屋企種,唔知會種成點呢~~要種成三個月嫁~~
之後去左睇衫~~係citylandmark某間舖頭擾攘左好耐
最終佢都係買哂兩件衫~~我始終都係覺得一次過買兩件衫係好多
因為我好日都唔買一件衫的~~haha
不過三百蚊有一件衛衣同一件褸好鬼抵wor~~haha
之後先去行花市~~估佢唔到荃灣花市都咁多人~~
一入去就ignore哂d濕貨~~haha^^直衝乾貨
不算太多野睇,無咩岩心水
想買個龍貓電話袋,但d質料不是太好....give it up....
ada就買左個"吉"帽俾佢隻狗,同埋一隻豆豆狗,ok得意的^^
迫完花市去左mc記飲飲食食~~
係今晚就可以睇得出住hall人同無住hall人既分別~~^^
ada係眼訓到想死咁樣樣,而我就鬼火咁精神~~
其實我都開始眼訓喇~~haha,因為係hall都係三點幾訓:p
ada飛的返屋企~~而我就行返屋企~~
返到屋企,我家姐都仲未返...唔知佢一條友係街有咩行=_=睇佢都唔會去迫花市嫁啦