26/11/2005
今日好在知醒jei~~六點半先起身不過=_=太睏了.....
七點去到地鐵站,過上環轉巴士去西環
七點八去到~~食個mc記早餐先~~~
去到體育館仲有時間~~~^^
一入到去就搬野set場~~大部份琴日都set左~~
今日係執一執jei~~~好快手
九點鐘就呆左係度,因為個function係十點先開始
而我地又prepare好哂~~但係d展板真係玩死我地
貼緊都跌番落黎-_-成塊板都full哂膠紙都唔得lor
唔知想點呀>_<
十點鐘開波,無咩人jar wor我地個檔
我同阿俊睇運動示範~~要幫人拉客lor=_=覺得自己有d似promotor=_=
開頭d人都唔係好願意入黎玩~~因為係做運動=_=
但係一有人入左去玩緊又會引一大班人入黎wor
d人真係羊群心理=_=
本來預一個鐘一節,點知都係唔多夠時間
一個鐘一節~~節節既運動都唔同~~我個人覺得最好既係壓力鬆弛果part~~
因為d音樂夠柔和~~可以訓得著~^^
一點食lunch,一點三就落番去,因為今日人手不是太足....
都係岩岩好,行都行唔開
但係下晝無咩做,因為d人都好規矩~~~無咩搞事份子
有一段時間我同阿mag去左睇中醫,佢話我熱氣wor....
之後就係度玩陣遊戲~~中左盆紫羅蘭~本身係阿mag想要
我都係陪太子讀書jei,點知俾我做左太子........(爛gag中.....)
但係我係想要佢隻牙仔雪豆咕o臣多d~~因為真係好得意
最尾返左去幫清華佢地分獎品~~~d阿婆阿伯好搞笑
1)呢個係咩黎嫁??
"呢個係水壺"
水壺有咩用嫁???
"水壺可以裝水飲"
2)呢個咩黎嫁??
"呢個係水壺"
水壺???做咩嫁???
"咁呢個水壺呢~~可以裝水飲啦,亦都可以裝果汁,裝維他奶,裝野飲lor,你仲可以當佢係啞令咁舉tim"
3)呢個做乜鬼嫁??
"呢個啞令黎嫁"
啞令咁輕既??
"係呀,你入d水入去就可以當啞令,可以自己調較個重量嘛"
4)呢個咩黎嫁??
"呢個啞令黎既"
.........
"呢個啞令係裝d水入去調較重量"
咁呢個又係乜鬼黎??
"呢個係水壺,你可以裝d水入去飲"
............
"咁呢個啞令當然都係入d水入去,如果你洗乾淨左個啞令都可以飲入面d水既"
5)有咩獎品呀??
"你可以揀匙扣同毛巾仔"
毛巾仔??
"係呀,呢個係毛巾,呢d係匙扣"
條先巾有咩用呀??
"um................................你可以用條毛巾黎抺野啦,洗野都得嫁"
6)呢條係毛巾??
"係呀,你攤開左佢就係一條毛巾"
毛巾有咩好呀??
"條毛巾你可以抺野,洗野同埋條毛巾會吸水嫁"
咁條毛巾摺唔摺得埋嫁???
"um..............=____________________="條條毛巾都摺得埋嫁"
7)呢個係匙扣呀??
"係呀"
有咩用呀??
"可以扣住d鎖匙"
........
"你仲可以當裝飾既"
咁即係咩黎嫁
"呢個係匙扣,你可以扣住d鎖匙,但亦都可以當裝飾扣係d袋出面"

以上七個例子只係今日既一少部份,d公公婆婆師奶真係勁
可以諗到咁多爆笑問題問我地~~笑到我地扒哂街
臨收工,家怡先係四樓上黎,我地唔記得左佢被放逐左
佢仲搞笑到問我地點解有水飲
我地話lunch已經有啦,你唔見咩
佢話佢lunch淨係掛住盒飯,咩都見唔到wor=_=
早左,五點半放~~坐叮叮去中環坐嗚嗚過尖沙咀~~
係中環見到好靚既聖誕裝飾~~影左唔少相~~
我覺得我已經過左今年既聖誕~~^^因為聖誕果幾日我可能要行山
宜家當慶祝左啦^o^
好多人坐嗚嗚過海~~聽到有人話紅隧同西隧仲唔執笠~~=o=
有冇咁易呀.......
之後係尖沙咀搵阿冼~~約左佢今晚食飯~~
六點幾係尖沙咀無無聊聊無野做,又唔想食飯住
點知行行下原來我都幾鬼肚餓...去左尖東元氣食~~~
要等位,個店小二好搞笑,問我地前面個細路幾多位之後
無啦啦爆左句"你地等咩呀??"我係後面話"我等運到"
之後又話"其實我都係等緊時間過既jei"
wakakaka阿冼請~~好豪氣咁食左好多~~不過都係二百幾jei~~
之後去左佐敦搵阿媽俾左盆紫羅蘭佢拎番屋企
返hall,眼訓到死......白痴仔係個hall下面行左一個圈~~~