19/11/2005
今晚就要行ayp,但係路程係非常之咁短..
係城門行去鉛礦坳營地
根據資料顯示,只需要一個半鐘既時間去行哂...
lunch出左去愉城食,超抵~~十二蚊有兩餸飯
十五蚊有三餸~~仲有野飲~~點解可以咁平嫁~~~
之後就買gas同陣間行山要用既野~~
仲去左租漫畫睇tim
係屋企hea到三點九就出門口
因為約左四點係荃灣地鐵站等
等到四點九左右黃sir都仲未到
我地就去小巴站坐小巴上城門水塘先~~
係城門水塘等.....食左少少野~~
六點二先正式行....七點半已經到左camp site
黃sir仲話我地行得超快wor....
係中途仲見到螢火蟲~~好得意~~好細粒呢~~
去到camp site就起營同煮食~~今晚依舊十下十下咁~~
超正~~好好味,有蘿蔔呢~~d湯超好味~~
不過等左好耐先有得食lor....九點幾先食
十點幾食完去洗野,入左男廁呢:p
夜晚開始凍>_<洗完野都即刻去訓~~
因為聽朝六點要開始,四點幾要起身執野同煮早餐=_=
但係唔知做咩,隻腳又係好凍,訓下醒下咁...
去到兩點幾頂唔住著番對蔑~~~
好急尿...但又唔想嘈醒zoe去toilet....急左成晚....