28/7/2005
今日返夜呀~~但係都一早起左身
因為約左個阿姨去食dinner
約左十一點係佐敦等~~~其實唔係太想去
但係要我拒絕佢,我又驚唔知會點....
所以都係去吧啦=.=遲左少少都俾佢係咁話...
下次死都要推佢呀~~
十二點幾就食完~~早左bor
入到馬鞍山去左新港行左陣~~去到零食物語都係冇我想要既野....
零食物語好似係漫畫節有檔~~唔知到時有冇我想要既野呢??
返到去同cori & dixon一齊返夜~~
聽佢地講今日又請左個新人,都幾高效率bor~~
但係佢地就話佢係阿呆二號=.=
一返到去都冇咩野做~~
但係d人都總係一堆堆咁黎....今晚有班大陸黎既人
唔係話要特別歧視佢地,但d細路真係發癲嫁~~
成十幾歲人俾人鬧都仲要係度嘈,仲衰過d五六歲既細路=.=
有樣好搞笑既就係佢地問我地收唔收人民幣
我就答我地淨係收港幣,之後佢仲要係度問
咁收唔收美金呀??d語氣超差的>_<
我都話左淨係收港幣lor,話之你有美金,歐元呀,我都係唔收嫁喇~~吹咩~~~
今晚好多野都俾班大陸人book到last一節...
冇得早收呀>.<
好在有三個人,係咁點呀dixon去收呢樣收果樣~~kaka
最後都係十點七就走得lu^^
返到屋企,冇得上網,個電腦shortshort地~~唔係咁想上
唯有去睇電視,聽日都係返夜