25/6/2005
係有酒精既影下
今日係訓到下晝兩點先醒嫁~~好野呀~~
發現背脊紅哂,好似生野咁,唔知係咪所謂既酒"難"
都好既~~等d酒可以散出黎~~唔駛影響我個肝^^
起左身冇野做....係度睇番琴晚d電視
之後又上下網咁....
六點出到佐敦同阿媽食dinner~~
食完自己一條友行左去奧海城~~
係佐敦行過去ya....點知行到油麻地果陣冇啦啦落狗屎
真係食屎,淋到濕左大部份=.=
避左一陣雨先再繼續行~~
一路行,d水係咁係個頭度滴落黎lor...
其實本身冇諗住行去奧海城嫁
但係咁岩見到果邊個天d雲幾靚~~所以先想行過去jar
仲差d行左去九龍站....
係舊區果邊d街真係少人到癲~~好正~~唔駛迫~~
或者鬧市真係唔岩我~~
係奧運站就坐地鐵返屋企
係屋企係咁整聽日獨木舟既野~~希望聽日會好天啦~~^^
自己整左d寫字板~~仲好醒咁整埋支筆~~
之後又執埋d equipment~~之前好似好多咁
但係執落又唔係太多jar wor~~
唔知係咪琴日既酒精影響,定係練波搞成,一或係頭先場雨
執完野,個背脊好唔舒服...有d辛苦
仲有...個頭有少少痛>.<
希望聽日訓醒會好d啦~~唔係果15k獨木舟就慘lu