18/6/2005
今日懶訓到八點先起身.....
shit,約左fanny九點係西貢呀>.<
飛到咁出門口,係地鐵又再訓過=.=
好在去到西貢都係遲左幾分鐘~~wakaka
我真係快到冇人有啦^^
去到海豚,今日又多左個新同學仔,叫chow chow wor~~~
今日個阿sir好串的~~不過係咁俾我同fanny串番佢轉頭~~~kaka
搞左好耐都未落得水呀,因為又要拎槳,拎艇,拎救生衣,又要拎防浪裙
仲要等埋阿威,又要order我地既lunch
九點半去到,搞野搞到十點三先正式落水=.=
阿sir仲話佢趕時間要三點鐘走人tim=.=
第一樣係教泳者拯救法~~~cap左艇果位唔出黎
等個泳者游埋去拉番佢上黎~~不過都幾難嫁
難在要爬上去艇底,仲要保持平衡^^"
我地個個第一次上唔係各前跌就係向後跌番落水~~kaka
好鬼搞笑的場面~~好在未有人係艇jar,唔係就浸死左都唔知咩事^o^
練左爬上艇底都練左好耐@o@
終於都到有人係艇入面cap艇喇
嘩...今日第一次要自己cap艇,有d驚
第一次cap果時仲因為個鼻入水,fanny未埋到黎我就已經出左黎喇^^"
之後終於發覺一定唔可以吸氣<--呢個係人都知
原來連呼氣都唔得嫁<--因為當你停左呼氣,d水會自己走入你個鼻的
所以最好就咩都唔做,死忍度氣~~~~
我地個個都好心急咁救人,自己都未ready好就死命咁拉^^"
搞到冇個救得到人:p
係阿sir係咁喝住我地叫我地唔好咁早拉,我地先做得到jar^o^
但係有時就拉得過左龍,隻艇係自己果邊cap番落水~~haha
開頭都以為個阿sir唔係咁好,因為佢成日都話要早走=.=
又話由得我地自己係度練....唔理我地....
但原來佢都係得個講字,個新同學仲係咁同佢放生電>.<
佢冇show到佢,返而同我地另外四個練得仲多^^
我地練呢個泳者拯救都練左成朝,但都唔係太好
阿sir都冇眼睇:p所以佢就叫我地上水食左lunch先~~kaka
食lunch果時冇位坐要坐地下,阿sir竟然係度練仙,唔食飯~~好野wor
仲以為佢真係咁勁tim,點知一落水無耐
佢又話d水凍,又話肚餓咁,笑鬼死人
下晝我地就學愛斯基摩拯救法
係當自己隻艇cap左既時候,借人地艇頭既力
將自己roll番上黎~~以前都學過,不過學錯方法bor
記得以前係教用手力將自己roll上黎
但宜家係叫我地用hip frick將自己roll上黎
真係易左bor^^,不過唔知點解,fanny就係roll唔到上黎
仲話隻腳有d抽抽地tim,阿sir話一定係浸得係水耐所以先會咁
有個好搞笑既就係,有一pair人
一個cap左艇,另外一個想扒隻艇埋去救人
點知就自己都cap埋,笑到我地死呀^o^
練左好耐,fanny都終於試到少少喇
而我就自己問人個咩咩槳幹拯救法
同愛斯基摩差唔多,不過唔係用艇頭而係用枝槳借力
但係人地隻艇會頂住個頭lor=.=差d上唔到水呀>.<
玩到四點九先上水呀,阿sir想三點走既夢已經幻滅喇~~~
上水仲要沖艇,又要沖身,仲要講出trip既裝備=.=
成六點先走得人呀~~
我地可能跟chow chow佢班fd下個星期日上中銀既trip呀~~
係就好喇,咁我可以係六月完成中銀~~wakaka
返到屋企同阿冼傾電話,n年冇傾lu~~
佢搵到工喇~~~^^
成九點先落街食飯...返到屋企睇埋鋼之鍊金術師先訓~~^^
聽日冇野做,唔知會訓到幾點先起身呢~~kaka