15/6/2005
今日一早七點俾人叫醒左=.=
因為七點四十五分要到沙田喇....
今日同聽日都會係大陸
陪阿媽去旅行,上中山+珠海
去到等左好耐先有車上-.-
早知訓多一陣先啦.....架車仲去埋粉嶺先係皇崗過關
唔知點解行緊皇崗果時硬係覺得好似黎過
原來我都唔記得上次返過大陸打手波~~~
係大陸,勁大雨lor...好在唔駛點淋雨jar...
上到車,個領隊介紹左一陣,嘩...要坐兩個幾鐘車=.=
上到車冇耐就訓左lu~~
一去到原來係去食飯先lor....人都癲呀
七點幾上車,坐車坐到lunch時間lor.....
仲唔知自己係邊度食lunch tim wor....
食完飯既第一站係咩咩薰衣草世界...但係講下講下
原來係叫人買川貝lor....真係撞佢個鬼呀....
第二站係咩咩龍井坊,點知原來係叫人俾錢玩騎馬同射箭lor
d馬細隻到呀,又俾人帶住wor,又冇大草原奔馳...不玩也罷
原本都唔想玩射箭嫁,不過見到人玩又想玩喇~~~hehe
廿蚊十枝箭~~~中左一枝十分~~kaka有乳鴿食~~haha
之後得四枝中左目標jar...差一枝就有多一碗豆腐花喇=.=
果度d箭既箭lock同羽毛都唔岩位既...弓上面又冇箭托wor....
加上arm guide同finger tip都唔係太好...不過我都叫做有跟足珊教練既方法嫁~~
雖然冇練咁耐箭~~hehe^^"
之後又上車,聽個導遊係度講廢話
佢話"中山呢個地名係因為孫中山先生面名名"
o my god....但以我所知,因為孫中山先生係中山人
所以佢先有孫中山呢個名嫁wor.....
佢仲話"孫中山先生有國父之稱係因為係澳門有國父紀念館wor"
damn it...咁我叫文霙,係咪因為有文霙紀念館呢??
唔知文霙紀念館係邊呢??有冇人話我知???
有個咁既導遊真係唔知好嬲定好笑喇....
跟住去左個蘆薈世界,因為太大雨
我地都冇落車喇,個導遊真係掂呀
佢話果度係室內唔會水浸wor,係呀,室內冇水浸呀
但係落車個位d水浸到上膝頭呢,點行呀??
所以d工作人員就上車sell佢地d產品喇.....坐左一陣又去第二度lu
今次係去哈利魔法學校~~d魔術都ok呀~~
真係睇唔出佢地既破綻wor~~~
睇完魔術就去左雅居樂食tea喇,有十五分鐘免費既按摩^^
不是太舒服喇,十五分鐘,唔湯唔水咁=.=
之後去左食"燕窩"蛋撻~~因為肚餓
我仲叫左碗麵食~~但係跟住就去食dinner嫁喇^^"
係雅居樂hea左兩個鐘,係自由活動時間黎嫁...
又冇咩野玩,出面又落緊雨...悶到抽哂筋
終於都走得喇~~去左文記酒家食dinner~~
好過今日餐lunch~~^^
食完lunch去睇咩咩聚龍show wor....
都唔知咩睇嫁..聽d唔知咩人係度唱歌
第一首係童話,條友唱到超難聽,如果我手上有雞蛋/蕃茄一定掟死佢
d音響又差wor...差d耳都襲埋
第二首係老鼠愛大米,呢首好聽d喇...
跟住有個唔知咩人走左出黎搞爛gap....=.=
但係d跳舞又幾好睇wor~~~
d舞女個個鬼死咁高,狂show佢地d長腿~~~衫又少布,著褲著到差d露x~~~~>.<
睇完一個半鐘既鬧劇終於可以返酒店喇~~間酒店都算ok
雖然唔係五星級,但都總算乾乾淨淨,企企理理咁啦~~
沖完涼睇左半套創世紀就訓喇,聽日要七點半食早餐=.=