9/6/2005
嘩...真係發覺俾自己玩左
訂左晨咁早既船飛,七點幾要起身,坐九點半船
好耐冇試過咁死早起身喇=.=好辛苦
去到趕死左咁入閘>.<入到去點知要等.....
一上到船第一樣野係食野...因為今朝遲左起身
未食早餐,餓到wing下wing下,再唔食野我唔知我係船上面會做d咩出黎
食左個熱狗~~係船上訓左,訓醒就到喇~wakaka
一去到就諗住坐車過路環果邊,點知上左車就發覺得我同阿媽身上都係得港紙=.=
即刻落番車去左拎錢,好蠢地用左廿蚊手續費拎左一百蚊....點解唔拎多d呢=.=
因為係一張大紙,而我地又要去坐巴士
so去左新八百伴買左糖,之後落番巴士站等車^^
等左勁耐lor....先知點解頭有位阿姐係咁叫我地快d上車
我地差唔多等左四十五分鐘先有車,shit
等到車果時已經十一點幾就黎十二點lor
上到車又冇位wot,damn x.x
諗住企一陣就有位啦,點知越上越多人=.=
好死迫,架車又左兜右兜,勁耐先到琑仔lor....
因為等車等左太耐,所以決定係琑仔食左lunch先入路環
食左田雞蟹粥~~not bad wor
但係個lunch食左百四蚊左右,比起係香港豪好多@.@
食完就係琑仔行左陣~~幾好wor~~冇乜人係條街,雖然冇咩好睇=.=
但係d屋又幾靚wor,d橫街窄巷又幾有特色~~~
行左冇耐就去等車入路環既黑沙海灘~~記住唔係黑沙環ya
今次等左一陣就有車喇^o^仲有位坐~~
路環可以講係澳門既郊區,又或者係香港既南區呀~~
黑沙海灘d沙真係黑嫁~~但係聽到d大陸人問佢地既導遊係咪污染=.=
見到威斯汀酒店~~上網睇,成千銀嫁~~
又真係起得幾好既個位~~不過真係for悠閒渡假lor~~
係黑沙海灘坐左陣就走lu~~如果唔係同阿媽去既話,應該落左水玩好耐喇.....
坐車去左竹灣,又係一個沙灘~~呢個沙灘冇咩人去~~
但係好過黑沙海灘,因為有d風~~涼爽好多^o^
係果度既茶座食左個tea~~又係度嘆下咁~幾悠閒呀~~haha
四點幾走lu~~~坐車去關閘~~上珠海訓一晚呢~~
因為珠海d酒店平好多~~食又平wor
估佢唔到澳門咁細,但係都坐左成粒鐘車lor.....
過埋關,去到酒店都成五點半~~@o@
係酒店攤左一陣就出左去行街街~~係過關個商場行
超複雜既商場,d路四通八達,差d唔知自己行左去邊
係地庫果層見到機舖,想打番舖嫁,但阿媽係度呢~.~
再行左去蓮花街~~係一條行人街呢~~有d似旺角
唔同既係,好有好多街邊檔係食台灣野食的~~
行到七點幾有d餓~~入左一間都ok多人既舖頭食dinner~~
兩個人叫左八隻小籠包,半隻雞,一個豆腐煲,一碟炒豆角,三碗飯
原來大陸都有無線睇嫁~~@.@係舖頭度睇左整蛋糕果套電視劇~~
埋單都係六十八蚊jar@o@平到癲呀~~~haha
食完飯就行番去酒店lu~~返到去阿媽就沖涼~~我就睇電視~~
睇完"咩咩咩咩兵"就去沖涼lu~~~沖完涼再睇左陣醫道
有d想訓喇~~因為攤左係張床度~~好快就訓著~~~
好耐未試過咁早訓喇~~十一點幾^.^