29/4/2005
今日考鉛球lu~~等左超耐先考哂lor...........
成績冇上次練咁好.......
不過都有八分~~睇過d分~~
得三個女仔有一項係爆分~~^o^
我係其中一個,而且我另外果三項都有七八十分~~~~
50分入面我有38.5~~~算係高分一族^^
之後上research method,dr. chow之前講到n咁多樣重要野未講
但今日聽落又唔係d咩深野jei
上完research method~~代表左今個sem已經上完哂所有堂
真係唔覺唔覺咁又一個sem lu..........好快呀..........
唔通真係快樂不知時日過???無聊既日子過得特別快???
大學既三年真係一陣間就過左.................................
好快又要出去讀社會大學..............
返左hall用左兩個幾鐘去磨鞋
一次要磨兩對..........兩個鐘都唔係好夠時間
最後一隻係hea磨...=.=
三點幾出去旺角......今日得三四個人.........
超無奈.......咩都做唔到.......所以練左一個鐘左右就俾佢地休息
佢地仲走左去玩游擊........無奈......佢地都玩左幾耐下
最後果廿分鐘多d就叫佢地練下射波
佢地玩得太過份lu~~~~有人俾訓導捉左:p
五點幾走人去油麻地拎套no.3.......
唔多滿意.......但又數唔出佢邊度唔掂..........
阿joe先慘.........相信件衫扣左鈕會爆鈕lor~~~
真係超級貼身,唔move既話都冇咩野
一move就.........@.@不敢想像~.~
差唔多七點先走人....咁又俾六百五............唉
原本諗住唔返hall直接出佐敦..........
點知拎住件衫超唔方便.........所以都係返左hall擺底d野
仲順便沖左個靚涼先再出去,實在係太熱喇~.~
八點幾出番佐敦,等到九點先有飯食
因為我阿媽話想飲夜茶........其實今晚係同我家組慶祝佢聽日生日
不過佢好似唔多like咁.....問佢去邊度食佢又唔講.......
d野食都幾ok~~~個白飯魚炒蛋角好好味~~~
十點幾返hall lu~~~返到去執聽日rehersal既野,好多野要拎lor..........
今晚仲要磨鞋..................
發覺磨鞋都係用磨光布會令d,不過用棉花又會平滑d wor~~~~