16/4/2005
今日到我唔知醒去教波..........九點一先起身lor
去到十點一......俾大頭sir見到我遲到tim.......
今日同佢地練浪,碌地射波,入空位射波
又練左一陣龍門~~
十二點先走呀~~
同班仔去飲茶
我同ying楓請佢地食飯~~佢地真係蝗蟲=.=
叫左n咁多碟野食.....我同ying楓就神不知鬼不覺下叫左d粉麵
等佢地食飽d~~^o^
不過都唔係好貴jar,十幾人都係五百蚊
飲茶飲到兩點幾走人
返bu~~因為四點半要跑五千呢~~
jsc既mini marathon
返到hall忍唔住要訓一訓~~~
訓左就唔想醒=.=
電話熄左聲,有人打黎都唔知
聽到ying楓留言,今晚聯賽cancel........
撞鬼lor,已經delay左一次,今日又要delay多次=.=
都好既,唔駛我跑完五千又去比賽~~~^^
去到jsc,有人踢緊足球比賽
原來係理大對明星足球隊wor~又真係有明星wor~~
見到何家勁,rainbow仲同佢影左張相~~
又係宜家係"學警雄心"入面做老逗果個咩咩雄:p
又見到石修,吳家樂etc.............
佢地踢波遲左呀>.<
理大分明係讓賽啦,俾明星足球隊win左-.-
之後唔理lu~~因為到我地跑步喇~~~
今日跑步既有我,rainbow,tosca,大師兄同四萬~~
我地既目標係兩分半一個圈~~
因為達標成績係男既三十五分鐘,女既四十五分鐘
時間多的是啦~~~大師兄聽日又要比賽,所以都唔盡力去跑
但真係超慢lor=.=我地仲慢過競步同jog圈lor=.=
仲有大把時間去影相,傾計~~
唔覺唔覺就跑完十二圈半~~真係快樂不知時日過^^
跑完我地就係咁影相,我地係一齊衝線嫁~~^o^
不過我地差唔多係全場最慢的..........................
跑完有衫拎有野食~~真係抵~~五十蚊有得跑有衫著有野食~~
遲d仲有獎品tim,冇玩既隊員真係蝕哂~~~
我想星期一就跑哂果三萬米lor,唔知得唔得呢~~:p
返hall之後就沖涼,跟住出佐敦同阿媽阿婆食飯~~
佢地今日唔知咩事,係咁講佢地細個d野lor^^
又幾得意嫁wor~~~
佢地傾到十點左右就走人lu~~~~
返到hall先知原來non-mean星期二dead..........
我真係dead喇,from都未拎...............>.<