22/1/2005
今日一早又入大埔教波
靈風班仔今日要打北區既比賽呢
仲要一打就打三場
人都癲wor.....
今日都唔係練好多野
準時放佢地,因為要去食飯
食完飯就坐火車去上水
佢地話要係大埔等埋阿標先wor....
咁我同ying楓就去左先,因為子莉係上水等緊
已經遲左好多喇.....=.=
去到成點鐘,一點半開波......
仲要搵唔到個球場..........
佢地仲要一點五都仲未到lor.........又話識去
點知有人帶錯左路......
好在有個球證都係遲jei,唔係佢地就會當棄權
開波,佢地有d緊張wor........
但係之後下半場就好左好多喇,定左d啦
同人地水鬥水,輸一球
算係咁啦,打左唔係咁耐都只係輸一球
之後兩點半又比賽
今次人地勁好多喇,輸左唔知幾多......
唔識做浪......人地打monkey就驚左.......應該後d起動嘛.....
之後打細既一組,超輕敵啦
人地打快攻都唔識返去防守,好在juno守得好jar
唔係就唔知輸咁少
三場波都lose哂~~打得最好係第一場....
佢地著白飯魚打波,阿燦果對仲要打到爛左@o@
家榮同其鏗佢地好情緒化..-.-||
五點鐘走人啦,仲要去camp呀~~
發現左係上水坐火車去烏溪沙再轉99巴士入麥邊會平過坐火車去沙田轉299~~
去到麥邊....等左半個鐘先有小巴入閘口...等到傻
七點幾去到猴塘溪,一去到就食dinner先~~
今次係打邊爐wor~~正!!
食左好多肥牛,丸,玉子豆腐,生菜,魚皮餃
食到飽飽,去完廁所差d扣唔番條belt@o@
夜晚d仔上山訓,佢地得睡袋,poncho,仲有一個黑色大垃圾袋
今晚唔算太凍,但有個仔唔識用睡袋.....當左地蓆咁用
凍到佢係咁震~.~
佢地兩個人一組過一晚,仲要輪住當更
我地大人就六個人每人一個鐘當更~~正,我係最last果一更
可以安心咁訓一覺~~~~~^^