11/1/2005
冇估錯,琴既真係好好訓
一覺訓天光,不過係隻腳有d凍
起身,八點七@o@勁肚餓
好快手咁執好野就煮早餐食
我地既早餐係快熟通心粉+午餐肉同火蓡煎蛋,麵包
好好味,原來朱古力味既練奶+麵包都幾ok~~
我地又最快有得食既一組
食得興早彩烈之際有一組倒瀉左d通粉
唔知佢地夠唔夠食呢
又係快快手手洗哂野都執野,摺營
最快手整好哂呢~~^o^仲好得閒咁影埋相
影左張大合照就起程~~~~
十一點幾先行
我地既路線係嶂上落高塘
估計一個鐘行得哂
行左一半又休息左陣,聽講tracy隻腳唔係好得
抖左陣又行lu~~~好快出到馬路,行左段馬路去巴士站
岩岩好坐一點班車出西貢
去到大網仔有一大班人上車
坐到勁迫=_=
出到西貢市就即刻坐van返hall
要沖涼呀~~~勁dirty呀>.<
三點幾返到hall,食左d野就訓左覺
一訓就六點先醒
出左gpa...........勁shit,低到爆
我諗會係我六個gpa入面最低果次
因為我唔會再俾自己咁落去
點可能之後會低過2.16呀
冇可能,我唔會俾.....再係咁落去會死>.<
黎緊個sem要俾一百個心機
十一點幾ada打黎話想去食糖水
不過大家對於去邊度食都冇咩所謂^^"
爭持左一陣,決定去旺角石磨坊食~~~
又有得食我最鍾意既年糕^3^
今次試左栗子+合桃+年糕,不過係熱既~~都幾好味嫁~~~
之後兩個一齊發癲,係旺角行番hall
都唔知行左幾耐,返到去就即訓