2/1/2005
今日係同ac人去視察一下22-23號個野外獨留既地方
一早十點係西貢巴士站等
本來好似得四個人去
點知今次一行有九個人,又係九男女^^"
坐船去橋咀洲,一個島,同外界既交通只係得d街渡
個島都幾細下,不過都有廁所同沖身既地方
當然我地唔會俾d仔去啦~~~
我地一開頭係緣住海邊行,有好多石灘,間唔中有個沙灘
個環境都ok合適用黎獨留,不過似乎唔多夠位
行到中間,有一段路唔可以就咁行過去
要攀上少少d石崖度,係deo既帶領下
我地都係過左個石崖一半,因為始終覺得幾危險下
本身deo諗住滑落去,肥李就話太危險所以都係搵路上番條山路好過
我就係度諗,會唔會第一個落到去本身都企得住
但到第二個到既時候第一個會飛左落海~~^o^
我地一路行仲話叫d仔如果見到d海水突然退哂就好快d走上山頂
話有海嘯咁wor^.^又係咁話有海嘯就搵d野捉實
不過就唔好捉d會走既野,一係就搵d浮既野捉
行緊既中途見到個非常破爛既雪櫃
霍sir就話用黎救命嫁~~~係海邊既話題一直都圍繞住海嘯
幾經辛苦終於搵到條舊路
因為果度好少人去,所以d路都萌哂,要自已開山路行
行左一陣佢地傾左好多方案,有d就話將d仔擺埋係滘西洲果邊
我地最終目的係將佢地分散,將佢地留過夜
因為我地夜晚收番佢地既話都ok麻煩
係山上面我地諗住返過碼頭坐船走人
但又係一路行先一路搵路,條路實在太少人行
我深深咁體驗到路係人行出黎既
因為我地只係九個人去行,已經行左一條勁明顯既路
而肥李就話路係老房行出黎既=.=
話說佢地以前做兵既時候都係咁樣行條路出黎
明明冇路既地方就俾佢地行左條路出黎
行緊係條路既時候,我有一野唔少心坐左係地下
條褲勁污糟,咁我就拍下佢啦,點知就係咁我就拍走左係埃及帶番黎既第八指環....................=.=
好可惜呀>.<
去到有一度坐低休息,佢地有d係度想當年.......
一坐低就涼,明明行緊既時候會出汗,但一停低就冇哂汗.......
又話唔知幾時幾時係城門因為佢地係度用圍行條路出黎,所以打唔到game....
行行下,我地行左入一個竹林入面,好涼爽,相信係夏天訓都會好舒服
但係點知唔見左條路,因為竹林入面條路好似係上番山
咁我地就行左一條山坑落海邊
條山坑係勁"扇",d石又唔係好穩陣
又多樹葉係地下,條路又斜又直,超過五十度
沿路仲冇咩野俾我地扶住黎行
我地就係半行半滑既情況下落左去海邊
我地得出既結論係,紮馬對行山黎講都好緊要
出到去碼頭,個個就係度整理番自已個人
因為太污糟喇,勁多樹葉樹枝痴住哂
足足係個山剷路剷左兩個半鐘
坐船出番西貢就去左飲茶食飯
勁正,做學生既俾廿蚊就得~~好彩仲係學生jei~~
呢排輸到癲呀>.<
食完飯坐左deo車出旺角,睇下d行山鞋同防水袋
預備下個week既outdoor,點知睇唔岩.......
五點去左沙田唱k,有人請~~horhorhor
唱到八點,食左個m記餐就返hall lu
返到hall就即訓