10日有多, 除左mid-term, 都係mid-term, 而且仲未mid完...

今日先o岩o岩做左個present., Patrick你真係共產黨黎ga, d分個個都差唔多.

相信本身成績好好個d一定好憤怒, 算啦, 都第三年啦, 睇化晒.

做到點都話"You did a very great job!!", 聽到慣晒, 好膚顯...

前幾日病左, 都唔知點解會病ga wor!! 我諗極都唔明...

返風個日我十分保重咁著到好暖, 但晏就返到公司就狂打乞痴同流鼻水.

經過4粒鐘同鼻水乞痴ge搏鬥, 換黎ge就係個鼻甩皮損左... shit!!

抺鼻水抺得太瘋狂啦我, 我係公司個廁所攞左一整卷紙出去, haha...

同埋不停索白花油, 不過冇用, 人都癲.

訓覺前食左係日本買返黎話好有用ge藥, 真係, 太有用.

第二日變左感冒, 因為d藥好似扯乾晒我成個人ge水分咁.

真係冇流鼻水呀, 但係個喉嚨俾佢揸乾揸淨.

係大三巴附近搵粥食, 幾年冇食, 個煮粥婦人仍然係好串, 串爆.

但又唔甘心, 係都要食, 食埋就去睇醫生啦...

咪又係個d, 咩扁桃腺發炎, 發燒個d例牌野. (呸呸呸!!) 睇左就去返學.

係咪好奇我做咩仲會去返學呢~ 因為屋企樓下裝修囉!! 嘈到拆天!!!

唔係我實返去訓覺ga!! 唉, 點解尾尾個堂個冷氣可以凍成咁.

Patrick你真係好熱咩?? 開到成個冷藏庫咁, 係冷藏庫, 雪成隻豬呀牛呀個d!!

並唔只雪櫃咁簡單, 於是又再病d... OMG.

放學食左野就去男朋友度訓覺, 未試過可以咁快訓著, 食左d藥真係好好訓.

呢個故事教訓我唔好再食成藥, 我以為大陸個d唔o岩我食je...

原來邊度出ge都唔食得, 唔食可能唔駛病tim.

天氣好反常呀, 大家小心身體呀~ 唔著多件衫都帶多件啦.