同久違ge男朋友相處左大約"兩日"...

呢大約"兩日"加埋連40小時都冇, 而同佢有溝通ge時間大概係10個鐘.

我同佢都放假ge呢一日, 我因為某d原因我冇去拜女麻女麻.

中午同佢去左松山登高, 我咁大個女都好似冇特登去登高.

叔叔話要上到最高先得!! 男朋友同我講話可以轉運, 我就話"我好好運個wor."

原來二龍喉度有黑熊ga... 我都唔記得啦, 太耐冇去過.

我淨係記得有馬騮同孔雀, 細個個時仲係度等d孔雀開屏.

今次等黑熊企起身或者怒吼等左3mins, 跟住放棄, 見佢咁肥, 連行兩步都懶啦.

繼續慢慢行上去最高點~ 睇下風景, 休息下, 然後又慢慢落返去, 再返佢屋企.

由於好晏先食所謂ge早餐, 所以冇食中午飯, 訓覺為上!!

訓到3點幾, 佢就俾人叫左去幫手, 我就繼續訓, 到4點幾, 俾阿b嘈醒左.

5點幾, 佢打返黎話起碼9點先返到黎, 我地幾個細ge就要搞掂晚餐先.

睇在好似冇咩餸食ge份上, 我整左薯仔粒炒肉碎, 係首次真正自己煮一個餸.

唔係好成功, 不過算係咁上下啦, 美美都係咁講, 比佢想像中掂好多.

難道你地以為我真係做野打爛野個d人咩?! d薯仔粒唔係完全熟晒, 但味道ok ga~

之後, 10點幾11點, 返黎啦, 沖涼食飯hea一陣咁多, 佢就訓覺.

我明白佢有幾攰, 有人叫佢出去, 我話唔去所以佢都唔去.

佢就話見放假成日都冇陪過我, 睇下我去唔去玩可以陪我多一陣.

冇幾耐, 佢就訓著左, 我呢... 眼光光, 好多野諗, 都係呢幾日個腦不斷浮現ge野.

又到中午, 佢肚餓要起身, 整醒埋我.

於是去買飯盒返去邊睇碟邊食, 都唔係個老細所講咁好睇.

睇晒佢就返工我就係時候返屋企啦, 返到去一堆野等住我做.

爆香d野整豉油汁, 出去交網費, 掃地拖地, 搞掂滾湯d材料.

一個晏就"ja"一聲就冇左,  bb話咁賢淑wor... 真係幾ga.