開學之前ge一個禮拜, 我同媽咪and家姐去左日本玩~
日本呀日本, 如果係三四年前ge我, 應該係極度興奮, 因為個時好沈迷w-inds.
所以係出發之前ge一日, 我先有一種”Oh, yes! Japan, I’m coming!”ge感覺.
我地1號ge7點半要係HK機場集合, 又冇近近地ge酒店, 只好搭夜船啦.
凌晨4點船, 你話之前點訓, 眼光光睇下電視食個面就起行.

上到船, 隻船有問題要換船, 跟住唔駛跟位坐, 咁就有野發生啦~
就咁聽, 應該係咁ge... 有個女人個位俾個男人坐左, 但佢又要坐返自己個位.
於是係度嘈, 個男人覺得佢煩, 可能係撥開佢隻手咁啦, 個女人就話佢打佢.
最大獲係發神經到報警, 冇耐平息左之後就開船, 大約15mins之後...
d船員話警察到左碼頭, 隻船要泊岸, 痴孖根. 返到去解釋返後又開船, 5點.
幾經波折, 我地去到HK碼頭, 再搭機鐵去機場... 呼~

晏就3點幾4點咁上下, 到達東京成田機場.
見到Maki~ haha... d mobile真係好靚呀頂佢.

有d時間, 食下野, 就要轉機去北海道ge札幌市啦~
成日都係搭船搭飛機咁過, 辛苦還辛苦, 但幾開心.

其實有好多野要打wor咁樣, 不如整個概括算呢...

去拉面橫町食拉面, 跟團包ge呢餐, 相信唔係最好食個間.

第二日, 一早起身食左早餐之後就去左動物園.
以下係小企鵝與我...

兩隻海豹...

同埋一堆白炸...

我仲見到狐狸tim, 嗌左一聲狐狸精之後就唔見左, 影佢唔到.
狐狸精就係咁, 私私肅肅, 賤格!!
諗住玩狐狸先生幾多點啦, 咁佢都唔出黎, 好叻咩.

離開動物園之後, 就去富良野薰衣草園... ge隔離食個中午飯先.

小鐵板燒定食, 各就位, 身穿紙圍裙準備落野食!!

成個定食就係咁樣, 就係咁樣ja!! 要多d都冇.

跟住就坐車返酒店, 呢個渡假村正呀唔係講笑. 係個森林裡面, 好大~

我地整好晒d野之後就去浸溫泉啦, 日本露點溫泉初體驗, haha~

大家都知日本浸溫泉係強制性咩都唔准著ga啦...

唔好話咩, 屋企人對左廿年都會唔係咁好意思.

不過呢晚浸左之後就冇呢回事, 大家有ge野咪一樣, 雖然唔同size.

講返先, 我地去溫泉個邊係要搭接駁巴, 一黎地方大.

二黎就係, 可能有熊出沒!! 酒店門口有d掛住噹噹ge木棍, 話d熊仔驚個wor.

又講返先, 露天溫泉個邊好正, 因為係夜晚, 又係森林裡面, 好清幽.

對住d好高ge樹, 成個天都係星星, 好靚~

浸左就去食自助餐啦, 睇下我個人幾細粒, 出面個d係樹黎ga.

 

 

第三日, 天氣不似預期~ 落雨了, 涼到有d凍.

今日去忍者村, 門口個個人好好笑, 佢次次個樣都一樣.

睇下忍者表演, 行下影下買下咁就走啦~

今日重頭戲, 午飯, 長腳蟹+海膽=自費.

不過團餐裡面都有毛蟹食, 仲有帆立貝, 三文魚等.

長腳蟹真係幾好味, 不過我要講, d海膽真係掂!! 係鮮甜!!!

門口泊左一架超級有型ge車, 真係好型.

食野個度ge屋頂度有熊出沒!! 好大隻呀~ 我中意!!

入面都有je!! 但行到佢地前面有少少壓迫感.

跟住前往登別地獄谷, 火山口, 硫磺味好重...

走!! 今日酒店係和式~ 期待左好耐ga啦, 可以打地舖.

因為有浴衣著, 所以著左去浸泉, 寫意.

跟住仲係房間同家姐瘋狂影相, 笑到癲左.

影左呢張之後就開始痴線, 俾你地睇正常個d好啦.

我去旅行連狗牙較剪都帶埋, 修葺下礙事ge瀏海.

呢晚真係驚嚇, 日本時間3點幾, 有sms嘈醒家姐, 家姐再郁一郁我.

係男朋友sd黎ge, 叫我打俾佢, 以為咩事好嚴重咁, 點知係佢訓唔著, 嚇得我.

 

 

第四日, 去小樽, 電視就睇得多啦, 水晶音樂城, 步步為營.

跟住就去左運河, 冬天一定好靚je~

小樽的天空, 靚呀~

跟住去白痴戀人朱古力趣緻城, 有阿phoo ge愛人阿童木係度.

係日本ge外遇, haha~ 仲有Monalisa, 但個張太黑睇唔到.

我地玩人地架戰車, 逐個逐個影相.

然後去左狸小路行街, 冇乜點買野.

夜晚個餐又係重頭戲, 識跳舞ge鮑魚+松板牛=自費.

個塊牛肉係有證書ga, 平成17年12月15日出世, 跟住去左我地個肚入面.

好味道, 入口即溶, 不得了呀~~

 

 

第五日, 一早就去左賞湖, 就係一個湖咁囉.

有個d水上鴨仔車玩, 不過冇咁ge時間...

係機場附近行一陣買埋野食上機食, 急急腳走人返東京.

到達羽田機場, 返酒店先~ 東京即係東京, 酒店房好精緻.

行池袋, 有100yen店, 好似Daiso咁, haha~

行兩行就食晚飯, 係日本食中華料理, 可能幾日冇食中餐, 幾好食.

食左又繼續行, 係藥妝店買左休足時間黎貼下對腳~

 

 

第六日, 東京迪迪尼~ 我黎啦, Mickey!!!

多人係意料中事, 睇下個bb車停車場, 壯觀.

我地去左睇我最中意睇ge Jack Sparrow, 好真好真呀!!

跟住又睇左家姐最愛ge Stitch, 佢仲買左個Stitch ge爆谷桶.

排左個幾鐘, 終於可以同Mickey影相啦, 我仲同佢攬攬, 家姐攞埋佢簽名.

仲有Cinderella, 佢同個王子係互叫darling同sweet heart ga~

其實迪迪尼冇我想像中咁大, 雖然只係玩左一邊.

一個好大ge Mickey鐘同Mani鍾, hahaha~

玩到咁上下就走啦, 去左行街, 但都冇買到d咩, 可惜.

兩餐都係求其食, 一餐拉面一餐便利店丁丁.

 

 

第七日, 去皇宮二重橋, 呢度係天皇宣佈第二次世界大戰日本戰敗ge地方.

有d將軍接受唔到, 就係呢度切腹ga啦.

御花園有好多松樹, 修剪得好靚.

跟住去左銀座行街, 最後衝刺!! 買呀買, 買左個袋.

去到機場, 唔理三七廿一, 野食, 買啦~ 務求駛錢.

 

搭日本時間6點45分飛機返HK, 再搭12點半船返Macau.

三個人拎九樣野, 包括行李, 旅行袋同購物袋, 好攰...

男朋友本來話黎幫我拎野, 但Macau落大雨, 都係叫佢休息下啦.

 

 

日本人真係好有禮貌, 有日朝早離開酒店, d職員同我地揮手.

係揮到轉彎, 轉左彎仲揮緊, 揮到老遠都仲揮.

日本ge街真係好乾淨, 好難搵垃圾桶, 呢邊?? 行兩步就有都懶.