好啦, 21號深夜, 即係今日ge凌晨, 我返到黎澳門.
抵達時間係3點幾接近4點, 因為太夜/早, 所以去左男朋友度.
去到都成5點幾, 朝早啦, 天光啦, 小鳥叫啦, 訓覺啦, 唔返學啦.
其實好想返, 實在唔想走咁多堂, 但我又係唔訓唔得個d人.
今日2點鐘起身, 一起就狂有電話, 係我d group mates囉~
快快脆分好晒d行李之後野都未食就返屋企, 一返到去同媽咪傾兩句就入房.
開始搞d projects, 個時真係好想好想喊... 好多野迫住埋身, 氣都冇得透.
我知呢d都係自己攞黎ge, 但真係... 唉... 黎一個超級長嘆.
傷心地做projects, 做到咁上下早早食埋飯就返umac練drama.
係個trip ge時間裡面, 我個腦會不斷咁浮d lines出黎, 背好ga啦!!
阿Keith都話幾好, 記得晒d lines, 大致上都冇問題.
9點鐘就走得, 不過唔係返屋企, 係去阿shan度做ling.個present.~
聽日就係啦, 做到3點, 終於可以返屋企, 涼又未沖, panel又未做.
頂唔順, 訓左先, 俾我訓3幾個鐘先再起身做啦... 唉...
真係好想喊, 唔係因為我懦弱, 而係想搵個渠道發洩下.