今日一早就係男朋友屋企, 俾人叫醒, 因為要回鄉.
起身刷牙洗面, 換衫就出門口, wa, 佢地點解可以有咁多野要帶返去??
仲要唔係咩零食呀手信個d wor... 勁!!
大熱天時, 未食過野, 一直到目的地先可能有野食.
因為又係去左上次返去飲個度, 即係好多蚊滋個度呢~ 今次冇咁恐怖.
大家幫左手一陣做店小二, 就可以坐低食野, 咁熱唔飲凍野真係好難過, 我忍.
食飽坐左一陣, 同男朋友玩鬥臂力, 我呢名家中ge巨力女徹徹底底咁輸晒.
美美玩nds玩上癮, 話要儲錢買返部wor~ 跟住就成班後生一齊玩啤牌.
鬥地主啦, 仲有鍾氏家族統稱為”抺車”ge game.
個個game, 我都唔知其實究竟叫乜先o岩. haha~

跟住又到內地人開飯ge時間, 我地又收檔開始幫手, 店小二出動!!
我諗應該冇越幫越忙掛... 過左佢地ge繁忙時間先到我地食飯.
好好餸呀, 好多都咁o岩係我ge口味, 棒!!! 食飽飽又去玩啤牌.
玩左冇耐就要起行返黎, 返到男朋友度, 叔叔又要我帶兩隻蟹返屋企...
冇錯, 我又要俾人鬧, 個邊話要我帶返去, 呢邊話唔好攞返黎.
我家人唔係客氣所以唔要, 海鮮呢家野, 我屋企都唔會話成日買黎食.
媽咪唔食, 爸b又懶得食, 我食左又會敏感, 得家姐食都食到佢個人燥晒.
今次攞到返去, 除左真係俾人鬧之外, 附加ge就係要俾埋男朋友個邊話.
好無奈呀... 睇落去你地就知咩事啦.