訓到10點幾, 起身諗住去睇醫生, 但個人冇力, 換好衫都坐左係度rest.
每郁一下我ge HP都好似冇左一節咁... 想話出門口啦...
點知作嘔, 係toilet企左好耐, 嘔唔到野, rest下就忍住出去啦.
係附近撞到叔叔同朱姐, 此朱不同彼朱呀~ 同佢地傾左一陣之後就有車啦.
睇左醫生就去改passport個booking, 再去食個粥, 食得半碗.
冇計, 如果唔係要食藥我淨係飲野算ga啦, 個口好淡冇胃口.
跟住就索性去個度等搞passprt, 費事走黎走去, 等左半個幾鐘.
我都話ga啦, 你地又哄我... d相唔用得啦, 要影過, 又要返黎補相.
但俾兩張佢, 佢就俾返一張我, 擺左張係個keyboard度...
我諗佢係想沒收我一張, 等我冇得攞去搞其他證.
話俾男朋友知仲話我周圍”kak”仔, 冤枉囉唔該.
返屋企訓左一陣精神好左d, 胃口好似又返返黎, 肚餓啦.
男朋友放工就黎接我去食野, 同埋佢同事一齊研究trip ge野, 冇結論.
去埋旅行社問d plan, 佢地好似真係想跟團, 我都冇野好講.
因為時間關係我唔想返屋企住, 俾媽咪知我病佢會擔心到冇覺好訓.
發現晏就開始係冇帶電話出街ge, 冇感覺, 應該係因為平時都冇乜人搵我.
去左男朋友度, 食飯, 又繼續研究trip... 真係好煩惱.
佢地好似決定左跟團, 係咪真ge聽日可能會知ge...
然後就快快返屋企啦, 沖涼, 食碗飯, 食藥, 訓覺.