訓到都成2點, 今日諗住係屋企發毛.
起身刷牙洗面後, 睇電視, 等家姐起身買野食.
邊睇日劇邊食野, 求婚SP呀~ 等左好耐啦, 終於有得睇.
雖然呢套都唔係好緊湊ge劇, 但就係有一種令人想睇落去ge感覺.
SP好感動呀, 看到我都哭了. 好彩係自己一個人睇je~

睇睇下, 男朋友打黎, 叫我去來來買gift俾阿b. 阿b, 姐姐唔會咁對你ga!!
見家姐係街, 扯埋佢去玩具城, 佢扭蛋, 我買玩具.
真係一個難題, 如果佢係女仔我一定諗到買咩俾佢ga~
買d刀刀槍槍, 有響聲又嘈住晒, 有攻擊性即係買野俾佢發圍je...
諗左好耐, 最後買左d超人類ge物體, 將就d啦阿b, 已經唔係來來買ga啦.
買左就返屋企, 自己睇碟, 睇左一半就要食飯, 真冇癮.
食左飯又係睇, 不過係睇電視, 睇埋就沖涼, 換衫等男朋友放工.
又係調返轉, 係度等佢打機等左半個幾鐘, 跟住先返去食蛋糕.
真係唔好意思, 呢個時間, 阿b一早訓左啦...
得我地係度食, 食埋就睇一陣仔電視, 刷牙訓覺.