今日9點幾俾樓上嘈醒, 又裝修. 好彩係上次受過折磨後學叻左...
當日出街已經去買左個耳塞, 以備不時之需.
今日大派用場, 塞住, 訓到. 過左一陣佢整完, 我扯返出黎.
點知到媽咪返黎整今晚d餸, 我再塞, 又訓到.
訓到點幾, 正想起身之際, 男朋友一個sms黎話今日唔得閒.
我只係應左3粒字咁大把, 佢就好似有歉意, 傻啦, 又唔係你想ge.
起身刷牙洗面, 換衫之後, 我居然就咁坐係度睇真情, 睇到唔想出去.
做完後先出去打簿, 買屋企ge後備糧食, 再買我ge早餐, 午餐加下午茶.
牛肚面, 豬扒包同埋多多綠茶, o岩o岩好飽晒.
依家做個d卡通片點解睇唔明ga... 都唔好睇ge.
玩小電, 玩足一個晏就. 返工又係咁, 估唔到放假都係一樣.
沖涼之後就開飯啦, 一家人一齊食飯~~ 真係好啦, 唔駛自己一個食.
食左我又黎到呢度, 打左個電話俾男朋友, 但佢食緊飯...
咁晏先食飯, 又話break先再打俾我, 唔駛問又要趕返工.
食個甜筒, 甜下個心. 我好似有敏感牙齒...

尋晚發夢, 我已經成功地被人勾引, 同前晚唔係同一個人黎個wor.
雖然我完全唔知佢係邊個, 但佢係一名美男子.
所以我一腳踏兩船, 連續發呢類夢唔知係咩意思呢, 查唔到tim.