一家人訓到點幾兩點, 刷牙洗面之後, 分批食野.
我同家姐去食拉面, 一個好油膩ge拉面, 一個我食唔晒ge拉面, 但唔係唔好食.
跟住就去左買支蔘蜜飲, 我最近較熱氣, 好易會咬親, 腫腫地咁.
今日總部放假, 我就冇得放啦, 因為唔係返個度. 返到去坐左冇耐...
一個電話打黎, 上頭連放假, 個人身在大陸都仲要打返黎叫我做野.
計埋taipa個同事先得2個人返工, 個個仲要唔熟好難溝通.
呢個電話令我係接近4個鐘裡面忙到冇停手, toilet都唔得閒去.
不斷重覆做同一個動作500幾600次, 我對手就黎失去知覺.
整到最後一分鐘都係未做晒, 放工, 理得佢呀~
返到去, 媽咪趕時間去麻醉佢自己, 所以一家人一齊食飯盒.
食飽又休息下, 沖涼, 出到黎係部腦前面呆左唔知幾耐.
食下宵夜之後, 又再休息下, 訓覺時間.