係男朋友屋企訓到點幾, 起身刷牙洗面, 洗埋頭就溫左一陣習.
等佢放工返黎同我去食野, 見到佢咁攰真係好不忍.
換好衫出去榮記食野, 好味wor~ 最近我變左榮記常客.
尋日漏左一樣野冇講, 就係佢話聽日(即係呢日)同我出去, 可以影下相.
我同佢一齊左都仲未影過相呀, 佢話影貼紙相, 但講講下又話點點點唔影.
隔一陣又問我影唔影, 我話”唔影.”; ”係你話唔影先ge.”
於是又俾人話狗屎, 哼, 有d嬲.
今日出左去個頭, 哈, 冇影. 食左野之後去左辛伯伯胖行...
同佢買左2個枕頭, 返到去俾人話搵笨, 其實我覺得好平.
一分錢一分貨, 係咩價質數一定有返咁上下ga ma~
同埋好好訓wor, 我一撻落去就有睡意啦.
返到去訓左一陣, 跟住就起身食飯啦, 跟住就睇大結局, 邊溫習邊食糖邊睇.
叔叔問我下星期同唔同佢地一齊去飲, 我都未答...
身後響起男朋友ge聲音”你去唔去呀??” 唔知點解我覺得有d威脅性質.
於是我轉返個頭望住叔叔, ”去.(點頭)”
跟住就返屋企啦, 沖涼, 食公仔面加蛋, 溫習, 訓覺.