今日個堂public speaking係有史以黎最好笑ge一堂, alice做戲真係七情上面.
到portuguese, 奇蹟呀!! 阿miss早過我地到. 今堂講野食, 真好.
take a break~ 外出吃中飯, 食左一個唔抵食兼唔好食ge set lunch.
行行下我聽到”擦”一聲... 望下隻鞋, 冇事. 於是繼續行, 諗諗下覺得唔對勁.
唉, 原來係我踩過左粒釘, 而個一聲就係佢勾爛我個褲腳ge聲音.
褲腳, 對唔住, 你怪我啦, 怪我對腳唔夠長條褲掂到地下.
linguistic, 有quiz但冇溫過, 亂撞囉咩je.
返工, 我今日冇買野返去食ga~ 因為要趕住交script...
點知公司阿棠棠攞d曲奇出黎引我, 我都冇辦法唔食.
老姑娘見到有野食即刻狂咬, 仲問我做咩唔食... 見住佢食真係令我唔想食.
諗返起佢上次攞住個杯用羮忽d野出黎食, 大隻佬就問佢食緊咩.
佢話係餅乾, 唉佢居然水煮餅乾, 仲要話好食. 驚囉~ 佢份人真係... 冇得講.

放工搭巴士返屋企, 可笑ge事就發生啦.
諗住冇手攞散銀, 咪用嘟嘟卡囉... ”長者卡”.
好, 以為你有咩事, 我就淨係攞你一張卡出黎嘟.
”長者卡”again. 你好呀你!! 係咁多人面前落我面... 叻啦你.
張卡又唔係冇錢, 你做咩同我嘟個長者卡出黎je!!!
你唔係第一次ga啦唔好以為我唔記得呀!!
以前放係銀包有其他卡夾住就話係我ge錯je, 你依家算點je.