好耐都冇 update 啦...差ｄ唔記得左個 password...=]

今日4/4/08(五,清明節), Gray (27歲) 約左我去旺角 ua 朗豪戲院睇
~三國之見龍卸甲~....

Gray 佢係做家族生意架...間公司好多問題..好複雜...
認識佢果陣只係傾電話..知道佢本身係司機一名...做左6,7年...現要由司機個位轉到做文職既野...應說係管理公司既野...覺得好大壓力...好驚自己做唔黎...所以我陪左佢傾計幾晚...

今日佢終於約左我出黎見面...佢話想睇戲...我就陪左佢去睇....
未見佢之前...我係度諗...佢係咩樣呢?? 聽佢把佢好似....
當我見到佢...哈哈~~我放鬆哂...因為佢有 180cm 高..出黎聽到佢
講野同電話把聲好唔同...溫柔好多..佢身有我喜歡的古龍水味...因為
佢係食煙既關係...係古龍水當中帶有淡淡既煙味...好特別...我地只係食飯
後睇戲..再行左一陣間先返屋企..因為佢之前既屋企係在隆亨善心樓..佢話搬左屋之後好耐冇返過黎...叫我陪佢行下...一路上我地傾計..行左一陣佢就陪番我返屋企...就係咁簡單...

雖然唔係識左好耐...但係知道左佢愈多野...就知道我同佢只可以做朋友...
同佢係兩個世界既人...佢既生活同我係差天共地...但對佢感覺唔差...


之前見到同事有拖拍...佢係公司做既野...又挑起我本來放低左想拍拖既心態...我又好像以前咁..不斷上網識人...不過可能主知道我未係時候..唔比
我亂黎...所以一直都冇結果...哈哈 =] 一直以為自己係想拍拖..而恨拍拖..
不斷搵人黎關心自己...而覺得自己係可以做到好好既女朋友...萬事都能夠為男朋友分擔一切...無論咩事都好...有我就可以解決得到...我睇得自己太重要....

現在好多謝佢...比我重新知道自己係需要ｄ咩野...
我需要既只係一個佢喜歡我多過我喜歡佢既男生...一直以為自己只要搵到個我喜歡既男生..我就可以做到一個樣樣事都辦得好完美..一切都能為對方切想既女朋友...認識左 Gray 之後, 我先發覺自己係凡事都諗得太天真...我只係一個冇主見..冇方向感既女生...可能我被父母寵壞了...我有好多野都係做唔到...就係因為咁...我先覺得自己係要比人保護住我先可以安心...

人係看外表...主係看內心..原來真係冇錯架....
我係好注重對方既外表...其實我都覺得自己幾膚淺下...
最起碼男生一定要比我高 (大約 178~180cm),
年紀一定要比我大 (30 歲樓下)...同年同月我都接受唔到...

其次...我已經夠傻啦...只想可以管得住我就行...
我有錯..會同我講..教我改過...做事要有交帶既男生...

自知自己條件不好...要有咁好質數既男朋友係件好難既事...
但我知最明白我既就只有主耶穌...所以我會等待落去...

講番套戲...
其實真係唔錯...
簡單而隆重...哈哈 =]
但係如果ｄ戲服可以變得更舊會好ｄ...
太新淨了...曹嬰既打扮成個日本妹咁...
唔似古代既人...