今日係～９１１．．
對於我黎講．．係一個新開始！！

睇新聞見到世貿的事．．心裡面有些傷感．．
但人總要向前望．．．

係星期五（８／８）我夜晚係勞工處搵工．．
搵到份跟單既工．．其實之前我都ｓｄ過去．．
但冇回音．．所以我決定再ｓｄ多一次．．

就係星期六．．突然收到果間公司既電話．．
話對我有興趣．．想ｉｎ我．．
我就一口答應左．．．

就係今日一早（１０：３０）我去左果間公司ｉｎ．．
係我熟悉既地方．．可以話係我地球．．
係新蒲崗．．公司係大有街．．個名叫”駿裕”

我一上到去．．個環境當然冇舊公司咁大．．
ｉｎ我果個女人好好．．原來係要跟佢一齊做野．．
我地大家互相傾下計．．問下我之前做ｄ咩野．．
佢又講下間公司既規模比我聽．．
我ｆｅｅｌ到佢對我都幾滿意．．
大約傾左１個半鐘頭左右．．
佢話會下午ｉｎ多一個人．．會夜晚覆我．．

好開心既係．．我都幾ｌｉｋｅ間公司．．
雖然冇軒明咁好．．不過都唔錯既．．
一黎返工時間比之前好．．二黎搭車好方便．．

係我返屋企途中．．個女人（簡稱Ａ）打比我．．心諗唔知咩事呢？？

Ａ就問我：　”係唔係 Jessie 呀 ??”

我：　”係呀！！”

Ａ：　”我係頭先同你一齊ｉｎ既果位小姐呀．．”

我話：　”係～唔知咩事呢？？”

Ａ：　”係呀．．我下午都係有事做．．唔得閒ｉｎ果個人呀．．
　　　　唔係你有冇興趣入黎做呢？？”

我就話：　”冇問題呀．．（開心）！！

Ａ：　”咁就好啦．．”

之後仲有ｄ野講既．．就唔方便打出黎．．哈！！


真係開心呢．．我即刻打番屋企同媽咪講！！


來來回回．．計埋今次．．我總共都ｉｎ左８份工．．
今次終於得左啦．．真係好開心．．^^

我聽日就開始返工．．我既假期就要結束啦～！！