真的冇想過．．．
依日．．我人生重要既一日．．．
竟然要自己一個人孤令令咁過．．．

話說．．

＊１個月前
我工作壓力大．．
休息唔夠．．令到ｄ皮膚唔好．．去左睇醫生．．
食左抗生素．．好左好多．．．

＊１個月後
唔知係咪ｄ藥有問題．．
面部皮膚變紅．．仲有ｄ痕．．
經常發燒．．

＊１．９
又係發燒．．個頭同個胃好痛．．仲有ｄ暈．．
真係頂唔順．．去睇醫生．．強迫打左支針．．．
打完即場係診所見頭暈．．同背脊標哂汗．．．
好辛苦．．醫生話我血糖低．．同有胃炎．．
叫姑娘比左杯葡萄糖水我．．
食左１次退燒同胃藥．．好似好好多．．．
手面開始出小小既紅點．．．

＊１．１０
一早起身．．我嚇死左．．
我塊面勁紅又勁腫．．．
又發緊燒．．成１０１．９度．．
爹地叫我唔好返工．．
我唔聽．．因有好多野等我去做．．
傻下傻下去左深水"土步"買物料．．
暈下暈下咁又買唔哂野返到公司．．
ｄ同事見到我紅到不得了既樣問我攪咩．．
我話發緊燒．．唉～～
唔佢地一個二個鬧我仲出去買野．．
休息下嘛．．．個個都叫我傻妹．．

我請左半日．．我頂唔順．．．
搭左ｔａｘｉ返屋企．．．
一返到去我就訓左係張梳化都．．
死下死下咁．．．
媽咪大驚．．急急咁打９９９ｃａｌｌ白車．．
救護人員都大驚．．
問我攪咩．．成個豬頭咁．．
拿拿聲幫我探熱．．嘩～～成１０４度．．
血壓好唔正常．．送左我去威爾斯親皇醫院．．

經過一輪查問同檢查．．
醫生叫我去Ｏ房（觀察病房．．可不用留院）
不過入去時．．首先要係我手搵血管打粒”黃豆”（用來傳送疫苗之用）
果時．．我雙手已經紅腫得好勁．．仲好痛．．醫生為左搵血管．．
不斷拍打我隻右手．．我痛到喊左出黎．．媽咪不斷安慰我．．
終於搵到啦．．就用針強行打粒豆粒去．．痛到我死．．
因驚我隨時暈低．．ｓｏ要坐輪椅行走．．
行左一陣．．我覺得好累．．好眼訓．．
咁就訓左係張輪椅度．．ｄ姑娘見到我咁．．
不如索性叫左我訓急救病床．．．

等左好耐．．終於推左我上Ｏ房休息．．
攪下攪下都成７：００幾．．．
ｄ姑娘不斷幫我探熱同量血壓．．
仲吊埋鹽水ｔｉｍ．．．
好彩．．我仲識行去洗手間．．
醫生見我都冇進展過．．．
ｓｏ決定叫我入院．．就係咁．．
就過左一晚．．．
媽咪成日都係我身邊．．一步都冇走開過．．
好多謝妳．．其實我真係好驚．．．

＊１．１１
今日．．係我離開１０字頭的大日子．．
早上我入病房前要做心電圖同Ｘ光．．
攪左一輪．．終於上左８Ｂ病房．．（係兩年多前本港經歷沙士一疫那處）
我好唔開心．．整日都係張床都訓．．
偶然收到幾個ｓｍｓ．．同我講生日快樂．．
ｂｕｔ我仍然好唔開心．．整日有好多實習醫生不
斷黎問我野．．當我係隻白老鼠咁檢查．．
因我成個人都好腫．．手又痛．．雙手．．
頸．．耳背．．生哂紅疹．．又痕又痛．．
醫生驚我呼吸會困難．．ｓｏ就唔比我食飯．．
只能食一ｄ水流質既野．．我雙手用唔到力．．
連飲水都成問題．．ｓｏ下午只有媽咪黎餵我飲米水．．
跟住．．係我身邊除左ｄ姑娘．．實習醫生．．同ｄ清潔人員外．．
就一個人都冇．．生日冇人陪．．身體又唔舒服．．
自己一個孤令令．．夜晚．．我諗番起上年既開心生日．．
我真係喊住訓．．．好難過．．．好辛苦．．．
我依一世都會記得果日．．．

之後既事．．我已經唔想再多講啦．．
總之一住就住左一個禮拜．．．
每日不斷又不斷重覆同一樣野．．．
日日都要比人狠狠咁抽血．．（手臂抽血抽到瘀哂．．抽到冇血．．
左右手輪流抽．．）
吉手指頭驗血糖等其他野．．（ｄ手指頭都瘀哂．．
一個二個針洞．．冇血呀．．第二隻啦．．）
日日都要媽咪爹地黎睇我．．餵我食飯．．．
面對住唔同既老婆婆．．．日日新鮮．．．
ｄ婆婆又唔聽話．．ｄ姑娘又嘈生哂．．．
ｄ行動不便既婆婆就大小二便隨地黎．．
日日臭氣薰天．．．
自己病情好反覆．．時好時壞．．
時發燒時退燒．．差ｄ燒壞腦．．．
真係比死更難受．．

不過．．見住自己一日比一日好．．．
ｄ紅腫又一日一日咁退．．．
我其實都開心番．．．
頭１～３日又有個貌似林文龍既靚仔爹地．．
（佢一見到我就叫我亞女．．ｈａｈａ～～）
黎睇我．．問我好唔好ｄ．．．
好記得佢第一日同我講過依句說話．．．
”你唔洗驚ｇａ．．我係醫生．．我一定會醫番好你！！”
我聽後真係好感動．．．佢仲幫我寫左份健康報告紀錄．．
留比個主診醫生明我咩事．．
有日．．佢想知我未腫時係咩樣．．問我有冇近照．．
我咪比左個銀包佢睇．．有我同媽咪既合照．．．
佢拎住我個銀包．．好唔方便咁問我真係睇得．．
我都笑哂咁同佢講話睇啦．．．
佢竟然同我講話我以前幾瘦幾靚ｗｏ～～
哈哈哈～～開心得我呀．．．=^^="
不過因佢係急証室既醫生．．都好忙．．
打後．．都冇再上黎睇我．．．
只係隔左４日後抽過空上黎睇我．．問我好唔好．．
我已經好開心啦．．．

慢慢我可以食番飯．．不過就要介牛同海鮮．．．
有日．．主診醫生發現左經過多日既抽血化驗．．
我個肝有ｄ事．．肝酵素好高．．如處理唔好．．
好大可能會有肝硬化．．maybe 會有肝癌．．
ｄ醫生都話我咁後生就咁．．好可惜．．．
原因係我不夠休息．．食冇定時．．．
精神壓力大．．．結果攪到個肝有事．．
唔怪得我夜晚訓覺個肚好脹．．谷住谷住．．
好辛苦啦．．．
仲要係以前細個打過果支肝型針冇效．．
結果個肝受到感染．．待報告一出先知我係咩型．．

後來我隔黎床黎左個女仔．．
佢係個基督徒．．日日都有好多團友黎探佢．．
佢好開心．．ｂｕｔ我地冇傾計．．．
直到佢過左２日後．．佢可以出院．．．
佢見到我自己一個．．而佢又要走唔想拎咁多野．．
就比哂佢ｄ白卦雜誌我睇．．
ｄ生果同餅乾我．．仲送左ｄ７－１１狗仔比我．．
個女仔叫琪琪．．睇落去個樣好後生．．
我以為佢得２２～２３歲．．．原來佢廿到尾啦．．
佢同我傾計．．同我分享同祈禱．．
佢同我講佢好細就有糖尿病．．都生存左廿幾年．．
講左好多野比我聽．．開解我．．佢知我好辛苦．．
不論係工作．．疾病定害怕．．臨走前．．佢同我一齊祈禱．．

就係咁．．．我心真係平安左好多．．
直到第２朝早．．我見自己都好得7788．．
雖然仲有ｄ頭暈．．前晚仲發燒．．
就問主診醫生走得未．．
大大冇想過佢竟然比我走．．．
我即刻打比媽咪話我走得．．．
佢不知幾開心．．
經過一輪安排．．拎藥．．拎証明同假紙．．
搭ｔａｘｉ番左屋企再休息多１日就返工．．

計下計下．．真係足足住左１個星期醫院．．
星期六我要返去抽血同定期返去醫院見醫生
check check 身體同個肝既狀況．．

今次依個經歷．．我永世難忘！！！！
今日既我（１．２０）．．身體好返好多．．．
胃口也很好．．頭也沒暈．．只是由醫院咳到依家都未好．．
晚晚咳到半死．．冇覺好訓．．慢慢來吧！！