終於返到香港，奇怪的是我竟然有點唔捨得吉隆坡。

展覽會最後一天是整個行程最開心的。

公司得了數個奬，其中booth的設計得了全場最佳設計奬項，因為是我負責的，所以大家都恭喜我，都幾開心。另外，因為是最後一日展覽，大家心情很輕鬆，參展商戶也互相參觀和交奐紀念品。

晚上，當地的部門阿頭，帶我們到老遠的地方慶功。數天以來，都沒有好好跟同事傾計，晚上可以傾過夠。在眾多同事中我最喜歡阿lai，他一直都像大哥哥般非常照顧我;他並不像一般business world的人，我認為他更適合當社工。部門阿頭到了卡拉ok後簡直是另一個人。馬拉文、英文、閔南、廣東和普通話歌佢都得!奇人呀!!仲要不停咁要我地跳舞同飲酒!佢仲細細聲在我耳邊說唔好意思，唔知我咁攰，拉了我出來。佢話辛苦咗佢啲下屬咁耐，係要同佢地輕鬆下平衡一下先得。突然，仲點咗首please forgive me比我同佢個助手，話唔好意思呢幾日辛苦咗我地.....佢真係好cute。

卡拉ok後，我們再去disco。其實我咁大個都未去過disco，我實在想像唔倒在舞池跳舞的感覺會係點。因為時間尚早，舞池一個人都沒有。但盛情難卻，唉，終被阿頭拉了出來首先帶舞搞氣氛。那一刻我諗”左搖右擺就是跳舞”嗎??是但啦!大家都係搞下氣氛啫!飲咗幾杯酒，有點”飄飄然” 的感覺。

晚上十二點左右，大家盡慶而歸。阿lai好有風度車同事回酒店。在酒店前分別那一刻，我突然諗，人的緣份真的很奇妙。呢一班德國、菲律賓、新加坡、台灣、馬來西亞等等的同事，可能經過今次後，我們這輩子也沒有機會再見。曾經抱怨不想參加展覽，但慶幸沒有放棄，不然就沒有機會認識他們。

總括來說，整個行程都是一個很好的學習機會，讓我大開眼界，更令我發覺自己實在有太多不足。我要努力啊!