特別新聞報告！特別新聞報告！
我個可愛姨甥女晴晴出佢人生的第一隻呀！
實在太奇妙喇！睇住家姐結婚、大肚、生0左個巨嬰晴晴。
然後，我就見到好多第一次，
晴晴同我的第一次接觸（好似同外星人接觸咁）
晴晴第一次比我天真咁抱抱.....
第一次睇住晴晴痾臭臭
晴晴第一次望住我笑（咭咭咭咭咁笑0架)
晴晴第一次玩玩具時比佢kick住
見到佢第一次比家姐打打(就係因為佢賴臭臭囉)
而家見住佢一日一日咁大，好奇妙呀！
日後，佢又會有好多0既第一次，
第一次考入學試，第一次讀幼稚園，第一次返學，第一次畢業上小學，跟住升中學，第一次暗戀人，第一次比人追／追人，第一次拍拖，第一次帶男朋友返屋企，第一次.....
我會繼續望住佢既第一次，到我老為止！
嘩！瑪姬細姨姨好浪漫呀！