香港有幾多個地鐵站，每日有幾多班車，每架車有幾多卡，每一卡有幾多對門，可以撞到一個人0既機會率其實好低，但我好肯定我看到你。是因為要盤算住點對付麻煩client，點做好咁趕0既job ，所以當我看到你走進車廂是出奇的平靜，原來亦不外如事，同一班車，我們遇上，同一班車，我們又分開了。沒有不捨得，反而看到了，人更釋懷。

同亞斑同小蘑菇食飯，大家都一致覺得一個人的生活都不錯。只是有時候想有一個人住係自己個心度0既渴望度又會湧上心頭。

我很想...

開心的時候，不開心的時候，想傾訴的時候，腦海會即刻諗起一個人

當做野做得好辛苦，好夜0既時候，好想有人三更半夜打俾自己問我幾時可以放工

係大陸出job 的時候，會有人接自己機，會有人期待自己返0黎，會有人因為你成日冇打電話俾佢而擔心

係工廠出job 又要食埋0的難食野0既時候，有人會出現等自己食飯，就算都係食難食飯都會開心好多好多

好想...但事實上，呢種想0既心情只維持很短暫的時間，放工我只想睡，不想再有人同我講電話時自己又目訓著了，我想認真的工作，我想認真的做一個好人。

久不久找朋友陪陪自己，成班朋友出來玩0下，其實都已經很快樂!!

要得到更多，先放開。

遇上了沒有如期的快樂，短短的車程沒有對話，但我看穿了自己。