尋日都算早去到灣仔, 但係都要行左一個大運, 排左塞左成個鐘先入到去會埸.

入到去又要行多一個大運先去到露比身處的會埸.

到到都好多人...到到都好迫...如果唔係同三個小妹妹一齊...我諗我走左九世喇:P

同小妹妹一齊行有好處:
第一, 佢地真係唔怕醜, 見到有線Rachel同司徒法正司傅, 走去同人傾計又捉住同人地影相.

第二, 完全不理會人群, 自動攝位, 連帶我多左一度保護人牆.

第三, 佢地為求目的, 就算成日冇食過野, 都堅持行晒咁多個會埸. 真係好多年冇試過行書展可以全部館都行晒 (包括埋兒童天地= =”)

第四, 同埋多得佢地唔怕醜, 都笠左好多人地派既禮物仔~

第五, 好似收左三條o靚, 有人服侍, 真係好爽:p

+++++++++++++++++++++++++++++++++++++++++++++++++++++++++++++

全日...唯一好唔開心既...就係...露比朋友...見到我...好有禮貌叫左一句...

”姨姨”

就算佢之後成程都叫我做姊姊...真係...

老喇...冇得唔認~