唔知點解的的士司機好鍾意同我講野...係大陸係咁...就連返黎香港都係咁 = =

今日...只不過係北角返西灣河既路程...十分鐘都冇

由一上車就用電話上網睇野...到去到街市就係銀包搵錢啦...岩岩燈位停車...司機就問我喇...

司機: 小姐...問你的野丫...
我: 呀...哦...好呀
司機: 你覺得宜家香港有幾多男人食煙呢
我: er...好難講喎...我識有好多男人都唔食...
司機: 咁有幾多成到丫? 十成有幾多丫...
我: er...真係好難答喎...我反而覺得好似女人多過男人喎
司機: 其實十個都有六七個架...所以佢地都唔襟老囉...
我: 哦...係咩...
司機: 咁你估下我幾多歲... (之後即刻開埋燈)
我: er...四十到啦
司機: 四十頭定尾?
我: 四十二, 三左右啦...
司機: 當你話四十四啦... (跟手係銀包拎張身分證俾我睇)
我: (睇左係1952年 = =") 真係睇唔出喎
司機: 係呢...都話唔食煙襟老架啦...
我: (真係唔知可以講咩好)
司機: (再黎遞隻手埋黎) 唔食煙的皮膚都滑的架...
我: (好無奈) 呢到停得喇...
司機: 三十蚊得喇
我: 超無奈地落左車 = =