開工大吉一個星期, 一的都唔吉, 日日唔係OT到八, 九, 十點, 就係要返大陸...唉

好在...星期六四圍遊黎調劑下身心

一大早俾人嘈醒, 轉頭訓番, 訓未夠但係趕住要換回鄉證, 死死地氣十一點半起身去, 等左成粒鐘終於攪掂.

係筲箕灣行番去西灣河, 等埋多就去CWB食LUNCH,睇野同買野. 點知要買既野搵唔到, 唔想晒時間, 就搭車去尖沙咀買第二樣野喇. 好在呢樣野就有, 買完仲有大把時間, 就慢慢由尖沙咀行去旺角, 到左旺角有時間想去買野啦, 點知又係冇貨 = = 最後好失望地去食壽司挑戰紀錄! 好明顯按碟數係挑戰成功, 但係其實的壽司細件過平時...所以算平手啦~

之後去左多度食佢一直讚不絕口既蔥嫂糖水, 可能我唔鍾意刨冰類食品, 所以覺得都係一般者, 下次都係試下楊枝金露好的.

今日係多屋企, 熊仔真係好反常, 不停發癲, 發脾氣, 發傻...我由開頭對住佢好燥...到之後好驚...真係無所適從...