爸媽終於由大陸返黎, 我可以鬆一口氣. =o=

因為係第一日開檔, 所以五點幾就收工喇, 夜晚係屋企食左過年後第一餐齊人既晚飯(雖然唔係同一時間食^^"), 食既都只係過年前剩落既隔夜送

放監既我一食完飯就去CWB搵呢呢坐低食野閒聊, 之後到十點就同佢和其他朋友一齊上去玩塔羅. (^^/" 強調我係冇份玩既)

呢一間野身處於富豪酒店後面既一幢舊樓頂樓, 內裡氣氛有少少詭異, 整個人不是太舒服...

之前聽過佢地講呢個ANNA好準, 所以都有心郁郁想試, 但礙於身上沒有足夠現金, 個人坐低後又唔係幾舒服, 最後都係放棄左.

ANNA所用既係一幅佛教圖案既牌, 看已經有少少奇怪, 再聽佢為朋友解答, 欲言又止, 不能言明, 覺得好似問完等如冇問, 所以都覺得唔玩係明智既!