連續放左四日聖誕假期, 返左三日工就忙足三日, 老闆無啦啦又返左黎, 尋日返完大陸, 今日又要OT, 唉...

以後的事以後再算, 之前的四日假期過得很充實, 足以彌補這幾天的辛勞.

※※※※※※※※※※※※※※※※※※※※※※※※※※※※※※※

二零零五年十二月二十四日 (星期六)

在家執拾了一整天, 吃過飯後在家待.\_/.收工後, 匆忙趕至戲院睇Harry Potter之火盃的考驗.

這集真的不錯, 戲情緊湊, 沒有拖拖拉拉浪費時間, 一幕精彩過一幕. 美中不足的是為了趕在三個小時內交代此集, 有很多情節都改動了.

最記得的一幕是穆敵在課堂上將一隻蜘蛛玩到龍飛鳳舞, 下課後奈威在牆角呆立, 穆敵再叫他到教員室; 睇到呢一刻, 眼淚不自覺留下, 不知情的會覺得奇怪, 原因是我看了小說, 知道奈威的反應不是因為平常怕事惶恐, 而是因為其中的咒語觸及他的痛處, 可能亦因此原因令我不知不覺間留下同情之淚...

※※※※※※※※※※※※※※※※※※※※※※※※※※※※※※※

二零零五年十二月二十五日 (星期日)

一大早起身和._/.煮左一個好豐富的早餐, 有炸薯餅, 炒蛋腸仔, 芝士鬆餅, 食飽之後就出發去海洋公園.

星期日又撞岩公眾假期同自遊行, 又多人又迫. 成日用左三份二既時間等, 行, 同排隊 = =

有少少感慨係宜家的小朋友真係可以用無家教黎形容. 係海洋館, 太多人迫而前排的人又唔郁, 只有等, 但小朋友係乜都唔理, 個口叫唔該借借, 話口未完, 一手已經推開你再撲前捐過欄杆. 如果講左唔該借借就叫做有禮貌, 我只可以講可能係我EQ低. 當時我個腦剩係諗起電視個廣告:　我宜家要上樓打劫...我要偷你個電話...

係海洋劇場搵好位等既時候, 後面個女人帶住個小朋友, 完全當我同._/.個背脊係椅背黎借力, 連唔好意思都冇講句, 真係火都黎埋 ."/.

宜家既海洋公園已經唔係以前既海洋公園, 我諗以後再去既機會都好微.

行下逛下到七點半就搭車到._/.家姐既屋企玩BB同埋食飯, 坐到十一點就搭車返屋企.

※※※※※※※※※※※※※※※※※※※※※※※※※※※※※※※

二零零五年十二月二十六日 (星期一)

一早安排好去BBQ, 臨門一腳被人耍, 再加上自己玩性格, 燒唔成!

之後約了另一個朋友上佢屋企打邊爐. 下晝搭車返沙田買電話咭; 跟住同._/.兵分兩路, 我先到深水步同朋友買野, 佢就去九龍城拎電話咭, 再係深水步會合, 一行四人搭的士返朋友屋企.

萬萬估不到上到朋友屋企, 由洗野, 切野, 擺野, 淥野, 執野, 再洗野, 都係由我同._/.兩個人包辦, 講真, 真係有少少後悔提議打邊爐, 不過朋友因為女兒扭計所以甩唔到身, 另一個朋友懶到出汁, 唯有我同._/.好抵諗地由頭做到尾. (其間仲要俾人串, 話我地似兩公婆, 間屋似係我地多過主人家 ^^") 因為要等佢個女食埋宵夜個轉, 最後攪到零晨兩點半先走, 返到屋企沖埋涼成四點先有得訓.

※※※※※※※※※※※※※※※※※※※※※※※※※※※※※※※

二零零五年十二月二十七日 (星期二)

前一晚太夜訓, 攪到點幾先起身, 梳洗完畢就放左._/.返屋企, 然後到筲箕灣會合多同多姐到安利食lunch.

食完返屋企洗衫訓晏覺之後睇檔收檔, 咁就完結了一個聖誕假期喇...