今日真係俾老闆嚇親...失驚無神兩點幾食完飯返黎同我同同事講今日法國放假, 上海又放假, 叫我地兩個冇咩野做就收工...

尋日先上完大陸, 今日返到公司有咩可能冇野做丫, 所以我衍左佢算.
但同事就同佢講要趕report交俾佢(博老闆叫佢走), 之後老闆就話你做埋走啦(再附送黑面,老闆好明顯覺得同事串緊佢啦)

同事就話佢係有心叫我地走就一早講啦...有咩理由食完飯兩點幾先講丫...

老闆覺得我地唔領情, 好唔高興, 之後出左去又返左黎, 最後4:45走左, 我同同事做埋手尾5:00都走喇, 最終都係早左半個鐘咁大把...

回心一想, 係我地兩個太"小人"者, 因為一早佢返到公司已經問我地係唔係好忙, 我地兩個又驚死佢唔知叫我地做咩, 扮晒野, 如果唔係, 可能佢一早就叫左我地走lu~~~