本來同多打算今個星期整士多啤梨芝士餅, 但係佢家姐要考試就唯有改期啦, 點知到最後又冇啦啦約到出黎喎, 但係已經冇意慾整餅, 就去左搵好野食喇

約好係筲箕灣地鐵站, 打算去安利食片頭切腩撈粗, 點知一出又聞到沙嗲屋既串燒香味 (最重要係我搵左呢間野好耐, 估唔到係呢個位置) 當然要試下啦, 不過要留肚所以都係輕輕試左一串雞肉, 不過真係好好味喎, 個沙嗲汁真係唔錯, 而雞肉都好滑, 不過就唔好太冀望佢的雞肉有雞味, 因為都係雪雞.

係安利因為落錯單, 由撈粗變左做湯粗, 不過都食緊喇 (就係因為食到魚皮發現點解係"林"既先知落錯單^^") 就冇要求換啦, 但係坐對面個男人又幫我地出頭喎, 的伙記即刻好關心, 我地都話唔緊要. 見到的熟客入去係打晒招呼叫晒名真係好有親切感
(題外話:唔知點解多多咁關心對面個男人, 人地食完野杯野未飲晒就行左起身去廁所{我估者} 佢就即刻問我佢去左邊呀, 杯野都未飲完, = = 我就同多話我地係搭檯架, 佢去邊係唔駛同我地交代既 XDDD)

食飽冇野行就搭叮叮落太古城. 個一刻真係好有自遊行FEEL, 因為架車所經既地方都有陸續同多介紹(我好似變左做導遊) 如果架電車係冇咩人既話, 我相信多可能會跪係個位度好似的細路咁^^" 因為佢係個位度不停左望右望, 個一刻發現佢同劉衍熊真係好似...

去到買唔到飛就睇左長恨歌, 之前都覺得影評比較偏激, 不過實際上都真係...唉... 唯一覺得係梁家輝做得好少少. 不過睇完成套戲真係可能會令人痴線, 為左參展CUT晒所以文革內容, 一個唔熟歷史同政治既人睇完真係一頭霧水 f(=__+")Sammi既演技係一大突破, 但係突左唔代表好, 由其是撞牆個幕仲令我諗起貞子添 = ="

睇完都成九點半, 太古城的餐廳都截左last order, 所以就去左鯉景灣, 見到人地食既海鮮拼盤好吸引就入左去喇, 食左成個冷盤其實都好飽, 不過因為都係凍野, 所以返到屋企個肚好快就好空虛喇...