今日同._/.上大陸"dup"骨, 起身睇完電視就出發...

餓到兩點先抵達深圳, 因為丹桂軒多人要等位, 太肚餓既關係, 求其去左對面個間酒樓飲茶 (好似叫做天湖閣), 食物麻麻肥膩左的, 總數叫左七碟點心, (食七 = =)大陸食野都唔係平架, 埋單都要$105.

去左嘉年華"dup"骨, 幾舒服, 不過兩個人埋單就成$480蚊...

攪得黎都成七點幾八點, 返左羅湖係火車站一間叫玉桂園既酒樓食晚飯, 的食物真係唔係好得, 最恐怖係叫左個泰式燒生蠔出黎係綠色架!!!!!! 我咁大個女都未見過綠色既生蠔. 我同._/.你眼望我眼, 兩個都唔敢食, 諗住橫掂都係浪費, 就叫左個部長過黎問下啦. 佢都係答 " 的蠔係咁既色架喎, 冇問題丫, 其他客都係咁食架" 雖然都係預左...不過真係吹到啤一聲 ="= 埋單都食左成$126, 不過仲衰過香港的茶餐廳, 可能打邊爐會好的, 不過就唔會再有下次喇...

埋單計一計, 兩個人返一轉大陸駛左差唔多成千銀, 真係不如留港消費...