因為一個朋友仔既生日, 一行四人去了西貢食海鮮. 去到大家都冇咩心水, 所以去番我之前經常食個間海鮮舖.

因為入去之前, 佢地不停問得唔得架? 好唔好食架? 又要我揹晒所有好唔好食既責任...所以為免食完俾人怨, 揀海鮮既責任就推番俾佢地喇, 最後揀左花蟹, 好大隻既賴尿蝦, 聖子同象拔蚌...

好在佢地上菜既速度同安排都幾好, 大致上都係一樣一樣上變左唔會攤凍晒變得唔好食, 味道方面都唔差, 可以講係好食^^v

之後因為我地嘻嘻哈哈好大聲玩...侍應知道左我地有人生日, 跟住免左我地茶介, 又送糖水, 埋單都係1,260** 真係好抵食^O^

然後得番三個人過左去滿記食甜品, 食左好多野: 忙果PANCAKE, 榴槤PANCAKE, 楊枝甘露, 燉木瓜, 腐竹白果糖水

飲飲食食...飲飽食醉就飛van出旺角再轉飛van歸家, 前後用左一個鐘, 飛既程度好強勁, 同一時間我個肚開始反磋, 好在最後安全到步冇嘔咋...