我究竟想點呢???!!!

o的幾日我都已經好主動咁打電話俾佢, 同佢傾左好耐, 傾左好多野......

越傾得多, 就發現大家既距離真係好遠, 而佢既語氣就更加開始變得避忌.

我已經表明我真係唔介意佢以前發生o既事, 但係佢好介意, 有咩辦法......唉......

我唔打電話俾佢, 佢係唔會打俾我. 但係我搵佢, 佢又死都唔肯收線.
︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿︿

佢尋晚無啦啦提到拍拖o既問題, 個一刻呆左, 跟住我又扯開左個話題 =_______="

係啦...我真係抵死...有機會又唔珍惜...完全唔知自己做緊咩 /_____

﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀

我已經開始分唔到我究竟係因為呢排唔開心, 所以搵佢? 定係我只不過借o的個機會搵佢?

而佢講個一番說話, 究竟係真係想試探我? 定係想拒絕我呢?