續大陸part......

最後當然都去到火車站...鬆一口氣...接住 - 過關 - 上火車~

坐低一陣, 有一家四口上車, 四張飛遍佈不同位置., 其中一張係我旁邊既位, 佢問我可唔可以同佢換, 我一個人坐邊都係一樣o者, 咁換左喇, 都仲係坐係佢地附近既.

但係原來佢地仲有一張好遠既飛, 佢叫另外一個女仔, 問佢可唔可以同佢換, 一眼就睇得出o個個都係香港人, 我以為大家話晒都係香港人, 幫下人地應該無所謂o者, 點知佢居然扮麥兜上身, 係度"衍"個家人:　我張飛係坐呢個位嘛! 轉? 轉去邊先? 但係我張飛係呢個位喎!

我睇到既同時已經好憫, (呢排EQ真係好差 =o=)人地有兩個咁細既女, 方便下人o者!!! 跟住我叫佢地俾張飛我, 我去後面坐. 雖然佢地都未可以坐埋晒一齊, 但係至少唔駛分開坐第二卡...

都唔明..香港人真係咁自私架?! 我本來之前仲以為大陸人衰...點知原來香港人都係不外如是...

最後O個家人請左我飲咖啡 ^O^

開心唔係因為得到的咩...係覺得自己做左件好事...佢地又開心...我又開心...

唔明點解O的人要咁吝嗇......