尋日由香港轉轉接接上到大陸, 沿途都好順利, 仲以為今日番落黎都係一樣, 點知...

由廣州機場等的士去火車東站...我當然唔會上O的煩住晒既的士佬車啦...好乖咁去的士站排隊...點知一同佢地講話去火車站...個個都話唔去...有個居然仲叫我行去搭巴士(傻架...我更係唔會啦) 因為要趕火車返香港...個人就好心急但係越急都係無人肯載我...

問左六七架車...由好傍偟...慢慢變得好躁(我EQ真係好低架咋 =_=") 一個人既耐性用晒之後...當然要搵人發洩啦!! 我居然衝左埋去站頭度嘈O個個人 (好勇!) 但係佢同我講話唔關佢事 (大陸人...唉) 叫我去搵公安(個一刻都冇講粗口, 好佩服我自己) 我又真係死去同個公安嘈...(好明顯我真係癲左=_=") 個公安就話你去前面排咪上得囉...我話我上到車仲會係度同你講野咩?! 跟住我好似一個潑婦罵街鬧完佢一輪之後...再死去上第一架車...因為佢地班PK的士司機已經見到我同個公安嘈完...所以我上個架車個司機都唔敢出聲...

但係個一刻我先開始識驚...話晒我一個女仔...佢唔甘心...熔左我點算...

到最後發現左原來中間有一個好大既誤會...我去既火車東站其實好遠...當時唔明點解佢地唔肯去...原來佢地一廂情願以為我去旁邊既火車站...所以唔肯載我...

點都好啦...排隊都可以揀客...真係大陸先有架咋...係香港...最多都係俾司機串兩句o者...唉...大陸人...想進步...都好難喇...