端午節下午...係屋企埋怨去唔成街既時候...阿媽打電話黎話阿婆唔得喇...即刻同老豆阿媽飛的趕去醫院

去到...由五點未夠坐到七點半...都無咩特別...見佢仲好似好過平時...連插滿晒既機同喉都無晒...醫生又唔黎...好無奈之下唯有走啦...

夜晚出到去...仲講笑話唔知阿婆係咪悶...見過時過節...叫晒我地去陪佢添...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

六月二十三號

一早返左大陸...趕完飛機...趕去工廠...攪掂晒的野之後...又趕去搭直通巴士返香港

五個鐘頭巴士...好自然無野做就訓覺啦...

四點多...細佬打電話黎問阿媽有冇打過俾我...我話無...問佢做咩...佢話咁無野喇...不以為意

返到落馬州...過完關...轉番香港台...就打番屋企...

阿媽聽電話...我問佢做咩野...佢話無打過俾我...無野呀...跟住我鬆一口氣...

o岩o岩諗住收線...佢講左一句...阿婆走左喇...愕然...扮到好平常咁問...幾點既事...阿媽都好鎮定咁答我...五點幾...跟住應左佢一聲...哦...然後收線...

我以為我仲撐到...至少撐到上番巴士...但係一收完線...眼淚完全好似失控咁流晒落黎......

返上巴士...喊到收唔到聲...直到落車為止......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我朋友安慰我話其實佢已經賺左半年喇...由過年前話唔知過唔過到年...到宜家端午節...

佢地都講得岩既...開腦手術都做埋...咁大年紀都仲要受o的咁既苦...如果佢尋日唔走...醫生約好晒我的親戚係今日傾下切除佢雙腳既手術... 或者咁係一種解脫啦...

開頭以為自己可以好堅強去接受o的個事實...但當真係發生既時候...原來唔同想像一樣...

感覺好似俾人抽空左一樣...個人剩係得番一個軀殼...剩係知道個心好痛...好痛...好痛......