18歲之前希望人地唔好傷害自己 18歲之後希望自己唔好傷害自己
其實令自己傷得最深既往往係自己

18歲之前想拯救世界 18之後只想自己可以救到自己
連自己救唔到 救咩人?

18歲之前希望人人對我好 18歲之後只希望自己對自己好
自己都對自己唔好 點叫人地對你好

18歲之前想盡力去愛一個人 18歲之後只想盡力愛自己
愛自己往往比愛人地 更有投資回報率

18歲之前以為咁樣諗係自私 18歲之後先知以前咁樣諗係仲自私
自己都唔好好珍惜自己 總係希望人地去珍惜自己有乜用?
總係想人地幫自己去做某一d自己應該做既事
咁唔係自私係乜?
有時我地以為咁做係對人地好 其實係咪真係對人地好自己都唔知
好多時為人地付出係出於扮偉大既心理
做左一大堆之後 點會唔希望有回報?
搞到最後勞民傷財 自己唔開心 人地又大壓力
咁咪仲自私?
18歲之前好天真好傻人地都會原諒 18歲之後好天真好傻人地只會覺得荒謬
18歲之後 我現實左好多
18歲之前未認清事實 18歲之後就應該開始睇清楚呢個世界
以前唔肯承認「唔屬於你既野 就係唔屬於你」呢家想唔認都唔得
至少我等左咁多年 我乜都得唔到

咁樣係長大嗎?
我覺得只係一種無奈。

無奈咁去接受呢個世界原始既樣貌
無奈咁去承受幻想既破滅

我唔知我到底有無真正咁成熟左
我只係我比以前更識得點去保護自己。

即使好多野 其實係被迫接受 無奈承受
但係理智慢慢大於感情 令我唔敢再去諗多餘既野。

18歲之後比18歲之前好嗎?
我只知道不比以前差而已。